-
Rico Loosli 6934 Bioggio
-
Zugriffe: 336
Jesaia 44 vo 66
Jesaia 44 vo 66
44:1 Los jetzt zue min Diener Jakob,
und du Israel wo ich usgwählt han.
2 Das seit Jehova
de dich gschaffe und bildet het,
wo dir vom Mueterlib a ghulfe het:
'Ha kei Angst, min Diener Jakob,
und du, Jẹschurun, wo ich usgwählt han.
3 Denn ich wird Wasser usgüsse uf de Durstige
und ruschendi Bächli uf de trochne Bode.
Ich wird min Geist usgüsse uf dine Nachwuchs
und min Sege uf dini Nachkomme.
4 Und sie werded gsproche wie zmitzt im grüene Gras,
wie Papple a de Wasserbäche.
5 De eint wird säge: "Ich ghöre Jehova."
En andere wird sich nach Jakob benenne
und wieder en andere wird uf sini Hand schriibe: "Ich ghöre Jehova."
Und er wird de Name Israels annehmen.'
6 Das seit Jehova,
de Kenig vu Israeli un däm Rückkäufer, Jehova, dr Herr vum Heere:
'Ich bin de Erscht und ich bi de Letschti.
Usser mir gits kei Gott.
7 Wer isch wie ich?
Er sölls usrüefe und mitteile und mir bewiise!
Gits sit de Täg wo ich s Volk vo de alte Zit gründet han,
öppe öpper wo sowohl das mitteile cha was demnächst chunnt,
als au das wo no gscheh wird?
8 Fürchtet eu nöd
und sind nöd vor Angst glähmt.
Hani nöd jedem vo euch im Vorus gseit und verkündet?
Ihr sind mini Züg.
Gits usser mir irgend en Gott?
Nei da isch kein andere Fels, ich kenn kein.'
9 Die Hersteller vo Götze sind es Nünt.
Ihri gliebte Werk werded vo keim Nutze si.
Als Züg gsehnds nüt und wüssed nüt,
sodass ihri Hersteller beschämt werdet dastah.
10 Wer stellt scho en Gott oder e Metallfigura her,
die vo keim Nutze isch?
11 Gseht nur! Alli wo sich ihm aschlüssed werded beschämt dastah!
D Handwärker sind nur Mänsche.
Sie sölled sich versammle und ufstelle.
Sie werded verschrecke und alli zäme beschämt dastah.
12 De Schmied bearbeitet mit sim Werchzüüg s Iise über de Chole.
Er formts mit Hämmer
und bearbeitet s mit sim chräftige Arm.
Dänn wird er hungrig und sini Chraft verlönd en.
Er trinkt kei Wasser und wird müed.
13 De Holzschnitzer schpannt d Messschnitzer und zäichnet mit roter Chreide d'Umrisse.
Er schaffet mit eme Holzschaber und bringt mit eme Zirkel Markierige aa.
Sini Vorlag isch en Mänsch,
d Schönheit vomne Mänsch,
und siis Werch söll den imene Huus wohne.
14 Es git öpper wo sin Arbet drin bestaht Zädere z fällä.
Er suecht sich en bestimmti Baumart us, en Eiche,
un len sie unda d Bäum vum Wald gross un schtark wäre.
Er pflanzt en Lorbeerbaum und de Räge laat en wachse.
15 Denn wird de Baum zu Brennstoff, mit dem en Mensch Füür chan mache.
En Teil devo nimmt er zum sich werme.
Er zündet es Füür a und backt Brot.
Doch er stellt au en Gott her und bätet en aa.
Er schnitzt usem Holz en Götze und verbüügt sich vor ihm.
16 D Hälfti vom Holz wirft er is Füür.
Mit dere Hälfti brat er s Fleisch, won er isst, und wird satt.
Au wärmt er sich und säit:
"Ah! Mir wird warm wenn ich so is Füür luege."
17 Aber de Rescht devo macht er zumene Gott, zunere gschnitzte Figur für sich.
Er verbüügt sich devor und bätet en aa.
Er bätet zu ihm und seit:
"Rette mich, denn du bisch min Gott."
18 Sie wüssed nüt und sie verstönd nüt,
will ihri Auge verchläbt sind und sie nüt gseh chönd
und ihres Herz ohni Einsicht isch.
19 Keine denkt na
oder hät Erkenntnis oder Verstand und seit:
"D Hälfti devo hän i is Füür gworfe,
und i de gluet hani Brot backe und Fleisch brate zums ässe.
Warum sött ich dänn de Rest devo zu öppisem Abscheulichem mache?
Warum sött ich es Stück Holz vomene Baum abätte?"
20 De Mensch ernährt sich vo Äsche.
Sis eigete tüüschts Herz het en in d Irre gfüehrt.
Er chan sich selber nöd rette na seit er:
"Was ich da i de rechte Hand han isch doch Lug und Trug oder?"
21 "Denk dra, Jakob, und au du, Israel,
dänn bisch min Diener.
Ich han dich gschaffe, bisch min Diener.
O Israel, ich wird dich nöd vergesse.
22 Ich wird dini überträtige wie mitere Wulche bedecke
und dini Sünde wie mitere dicke Wulche verberge.
Kehr zu mir um und ich wird dich zruggchaufe.
23 Juble, du Himmel,
dänn Jehova hät ghandlet!
Brecht in Triumphgschrei us, ihr Tiefe de Erde!
Lönd Fröidrüef lose, ihr Bärge,
du Wald und all ihr Bäum!
De Jehova het Jakob zrugkauft
und an Israel tuet er siini Pracht entfaltet."
24 Das seit Jehova, din Rückchäufer,
wo dich vom Mueterlib a gformt hät:
"Ich bin Jehova wo alles gschaffe hät.
Ich allei han de Himmel usgspannt
und d Erde usbreitet.
Wer isch da gsi bi mir?
25 Ich mach die Zeiche vo de Schwätzer zuunichte,
und ich bin de wo Wahrsager unsinnig handle loht,
de wiis durenandbringt
und iri Erkenntnis in Unvernunft verwandlet,
26 wo d Wort vo sim Diener laht la iträffe
und d'Vorussage vo sinere Bote voll und ganz wohr macht,
de vo Jerusalem seit: 'Es wird bewohnt werde',
und vo de Städt Judas: 'Sie werded wieder erbaut werde
und ihri ruine werdi wieder härstelle',
27 wo zum tüfe Wasser seit: 'Verdunste,
ich wird all dini Flüss ustrockne',
28 wo vo Cyrusu seit: 'Er isch min Hirte 'Er isch min Hirte
und wird mine ganze Wille völlig usfüehre',
de vo Jerusalem seit: 'Es wird wieder erbaut werden',
und vom Tempel: 'Dein Fundament wird gelegt werden.