Psalme 35 vo 150
Vo David.
35:1 O Jehova, füehred min Rechtsfall gege mini Gegner.
Bekämpf die wo mich bekämpfed.
2 Nimm dis Chliibschild und din Grossschild
und stah uf zum mich verteidige.
3 Erheb din Speer und dini Striitaxt gege mini Verfolger.
Säg zu mir: "Ich bin deine Rettung."
4 Die uf mis Läbe Jagd mached, sölled beschämt dastah und gdemüetigt werde.
Die miin Undergang plane, sölled blamiert de Rückzug aaträtte.
5 Wie Spreu im Wind sölleds werde.
Jehovas Engel söll sie wegjagge.
6 Ihr Pfad söll finster und rutschig sii,
wänn Jehovas Engel sie verfolgt.
7 Denn mer het ohni Grund es tarnts Netz für mich usgleit.
Ohni Grund het mer en Grube grabe.
8 Unerwartet söll das Unglück min Fäind träffe.
Sis getarnts Netz söll en fange.
Er söll inegheie und ums Läbe cho.
9 Icha aber wird Freud an Jehova ha.
Über sini Rettigstate werdi juble,
10 us tüüfstem Herze werdi säge:
"O Jehova, wer isch wie du?
Du befreisch d Hilflose vo dene wo stärcher sind als sie,
die Hilflose und Arme vo dene wo sie beraubed."
11 Boshafti Zügä trätä uf
un froge mi Sache, vu däne i nigs weiss.
12 Sie zahled mer Guets mit Bösem heim
und ich fühl mich wie en Truurner.
13 Wo mini Fäind hingäge chrank worde sind hani Sacktuech ahgleit.
Ich han mir Faste ufgleit.
Und wo mis Gebet unbeantwortet zruggkehrt het,
14 bini trurend umenand gange als hetti en Fründ oder Brüeder verlore,
büüget vor Chummer wie eine wo um sini Mueter traut.
15 Wo ich den aber stolperet han, händ sie sich gfreut und händ sich zäme ta.
Sie händ sich zämme ta, um mich us em Hinterhalt z'erschlage.
Sie rissed mich in Stück und schwieged nöd.
16 Die Gottlosen verspotten mich boshaft,
Si knirsched gäg mi mit de Zähni.
17 O Jehova, wie lang wirsch eifach nur zueluege?
Befrei mich vo ihrne Aagriff,
mis choschtbars Läbe vo de junge Löie.
18 Denn wird ich dir dankä i dä grossä Versammlig.
Inmitten von Mänschenschare wird ich dich preise.
19 Lah ned zue das sich die wo grundlos mini Find sind a mim Unglück weide.
Lönd ned zue das die wo mich ohni Ursach hassed boshaft mit de Auge zwinker.
20 Denn sie redet kei Wort vom Friede,
sondern hecke geg die Friedliche im Land hinterhältigi Plän us.
21 Si riised s'Muul uuf zum mi aazchlage,
und säged "Haha! Haha! Haha! Mer hends mit eigete Auge gseh"
22 Heschs gseh, o Jehova. Blib nöd still.
O Jehova, blib nöd fern vo mir.
23 Wach uf und erheb dich zu minere Verteidigung,
mein Gott Jehova, füehred doch min Rechtsfall.
24 Du min Richter, denn du bisch grächt, o Jehova, min Gott.
Lah nöd zue, dass sie sich a mim Unglück wiited.
25 Niemol sellets zu sich säge: "Haha! Mer hend übercho was mer hend welle."
Niemols sölleds säge: "Mir händ ihn vernichtet."
26 Beschämt und blamiert sölled alli dastah,
die sich a mim Unglück weided.
Die sich über mich erhebed sölled in Schand und Demüetigung ghüllt werde.
27 Doch wo sich über mini Gerechtigkeit freued, sölled juble.
Unufhörlich sölleds säge:
"Gross isch Jehova, wo sich über de Friede vo sim Dieners freut."
28 Denn wird mini Zunge vo dinere Gerechtigkeit verzelle
und dich de ganz Tag priise.