Die Psalme 36 von 150
- von Rico Loosli 6934 Bioggio
-
Zugriffe: 235
Psalme 36 vo 150
Für de musikalisch Leiter. Vo Jehovas Diener David.
36:1 Dief im Herze vom schlächte Mänsche redet die Sünde mit ihm.
Er kennt kei Gottesfurcht.
2 Denn er gseht sich selber zu sehr imene schmeichelnde Liecht,
als dass er sis Vergehe erkennt und es hasst.
3 Us sim Muul chömed verletzendi und betrügerischi Wort.
Er het nöd d Iisicht, guets z tue.
4 Sogar uf sim Bett heckt er schlimmi Plän us.
Er stüret uf en Weg zue wo nöd guet isch.
S'Schlechte wiist er nöd zrugg.
5 O Jehova, dini loyali Liebi langet bis zum Himmel,
dini Treue bis ufe zu de Wulche.
6 Dini Gerechtigkeit glich majestätische Berge.
Dini Urteilsprüch sind wie wiites, tüüfs Wasser.
Mensch und Tier beschützt du, o Jehova.
7 Wie kostbar dini loyali Liebi doch isch, o Gott!
Im Schatte vo dinere Flügel sueched d'Mensche Schutz.
8 Sie trinked sich satt am Überfluss vo dim Huus,
vom Wildbach vo dinere Freud lahsch sie trinke.
9 Du bisch de Ursprung vom Läbe.
Dur dis Liecht chömmer Liecht gseh.
10 zeig dini loyali Liebi witerhin dene wo dich kennet,
und dini Grechtigkeit dene wo es ufrichtigs Herz hend.
11 De Fuess vo de Überhebliche söll nöd uf mich träte
und d Hand vo de Böse söll mi nöd vertriibe.
12 Da! Sie sind gstürzt wo Verkehrts tüend.
Sie sind zu Bode gstosse worde und chönd nöd ufstah.