GTranslate Wähle deine Sprache

Suchen und Finden

üsi-bible-uf-züridütsch

Rico Loosli 6934 Bioggio
in üsi-bible-uf-züridütsch
Zugriffe: 342

Die Psalme 16 vo 150

 

Psalme 16 vo 150

En Miktạma vom David.

16:1 Bschütz mich o Gott, den bi dir hani Zueflucht gsuecht.

 2 Ich han zu Jehova gseit: "Du bisch Jehova vo dem alles chunnt wo ich ah Guetem han.

 3 Und a de Heilige uf de Erde,

de Majestätische, hani grossi Freud."

 4 Viel Chummer handlet sich de ii, wo andere Götter nachelauft.

Ich wird niemals für sie Trankopfer us Bluet güsse

na ihre Name is Muul neh.

 5 Jehova isch min Ateil wo mir zuegwiseni, min Bächer.

Du bewahrsch mis Erbe.

 6 Schöni Gägendä sind für mich uusgmässe worde.

Ja, ich bin zfride mit mim Erbe.

 7 Ich wird Jehova, min Ratgeber, preise.

Sälbscht nachts korrigiere miini innerschte Gedanke.

 8 Ich bhalte Jehova ständig vor Auge.

Will er a minere rächte Siite isch, werdi nöd z erschüttere sii.

 9 Darum freut sich mis Herz, mis ganze Ich isch glücklich

und ich leb in Sicherheit.

10 Denn du wirsch mi nöd im Grab lah.

Du wirsch de wo loyal zu dir staht nöd d Grube gseh lah.

11 Du lahsch mich de Weg vom Läbe erkenne.

I dinere Gägewart herrscht unendlichi Fröid,

a dinere rechte Siite ewigs Glück.

 

Rico Loosli 6934 Bioggio
in üsi-bible-uf-züridütsch
Zugriffe: 349

Die Psalme 15 vo 150

 

Psalme 15 vo 150

Es Psalm vom David.

15:1 O Jehova, wer dörf Gast i dim Zelt sii?

Wer dörf uf dim heilige Berg wohne?

 2 Wer es iwandfreies Läbe führt,

wer tuet was richtig isch,

und i sim Herz säit d Woorheit.

 3 Er verleumdet nöd mit sinere Zunge,

tuet sim Mitmänsche nüt Böses

und schädiget nöd de Ruef vo sinere Fründe.

 4 Jede wo Verachtig verdient, wiist er zrugg,

doch wer Ehrfurcht vor Jehova het, de ehrt er.

Er nimmt sis Verspreche nöd zrugg, au wenns ihm Nachteil bringt.

 5 Verleiht er Geld, den verlangt er kei Zinse,

e Bstechig zum Schade vom Unschuldige nimmt er nöd a.

Wer so handlet wird nöd z'erschüttere sii.

 

Rico Loosli 6934 Bioggio
in üsi-bible-uf-züridütsch
Zugriffe: 361

Die Psalme 14 vo 150

 

Psalme 14 vo 150

Für de musikalisch Leiter. Vo David.

14:1 Die Unvernünftigen säged sich:

"Es git kein Jehova."

Korrupt sind ihri Tate, abscheulich ihres Verhalte.

Keine tuet Guets.

 2 Doch Jehova luegt vom Himmel uf d'Mensche herab,

zum gseh ob irgendöpper Iisicht het,

ob irgendöpper Jehova suecht.

 3 Alli hend sich abgwandt,

sie sind alli glich korrupt.

Keine tuet Guets,

au nöd eine.

 4 Het denn keine vo dene wo verchehrt handle, Verstand?

Sie verschlinget mis Volk als wärs Brot.

Jehova lütets nöd a.

 5 Grosse Schrecke wird sie erfülle,

denn Jehova staht de Generation vom Grechte zur Siite.

 6 Die Plän vom Benochteiligte wänd ihr veritlä,

doch Jehova isch sini Zueflucht.

 7 Ach, chöm doch nur us Zion Rettig für Israel!

Wänn Jehova sis Volk us de Gfangeschaft zruggholt –

was für e Freud für Jakob, ganz Israel söll juble!

 

Rico Loosli 6934 Bioggio
in üsi-bible-uf-züridütsch
Zugriffe: 355

D Psalme 13 vo 150

 

D Psalme 13 vo 150

Für de musikalisch Leiter. E Psalm vom David.

13:1 Wie lang, o Jehova, wirsch mi vergesse? Für immer?

Wie lang wirsch dis Gsicht vor mir verberge?

 2 Wie lang werde mi Sorge quäle,

wird Chummer Tag für Tag mis Härz belaste?

Wie lang wird min Feind über mich triumphiere?

 3 Schau uf mich und antwort mir, o Jehova, min Gott.

Bring Liecht i mine Auge, damit ich nöd in Todesschlaf sinke,

 4 damit min Feind nöd seit: "Ich han ihn besiegt!"

Mini Gegner sölled sich nöd über min Undergang freue.

 5 Ich vertrau uf dini loyali Liebi,

mis Herz wird über dini Rettigstate juble.

 6 Ich wird für Jehova singe, denn er het mich riich belohnt.