üsi-bible-uf-züridütsch

2.Korinther 7 vo 13

7:1 Da mer also die Verspräche becho hend, ihr Liebe, wemmer eus vo jedere Verunreinigung vom Körpers und Geischt reinige, indem mer völlig Heiligkeit in Gottesfurcht astrebed.

2 Macht i euem Herze Platz für eus Mir händ niemertem unrecht ta, mir händ niemert vertorbe, mir händ niemert usgnützt.

3 Ich säg das nöd zum eu verurteile. Ich han ja vorher erwähnt, dass ihr i eusem Herz sind – öb mir zämme läbed oder zämme sterbed.

4 Ich chan ganz offe mit eu rede. Ich bin sehr stolz uf eu. Ich fühl mich sehr tröschtet. Trotz allne Schwierigkeite stromm ich über Fröid.

5 Ja womer in Mazedọnie aacho hend, hets für eus kei Erliechterig geh, sondern mir sind i jedere Hinsicht wiiter bedrängt worde - es het usse Kämpf geh, inne Befürchtige.

6 Gott aber, wo die Niedergschlage tröschtet, het euis dur d Gägewart vom Titus tröschtet,

7 doch nöd nur dur sini Gägewart, sondern au dur de Trost wo er eueretwäge becho het. Er het eus d'Nachricht bracht, dass ihr eu nach mir sehned, dass ihr truurig sind und eu würklich um mich sorged. Da hani mich na meh gfreut.

8 Weni eu also dur min Brief au truurig gmacht han, bedau ich das nöd. Sälbscht wänn ichs zerscht beduuret han (ich gseh ja das de Brief eu truurig gmacht hät wenn au nur churz)

9 so freu ich mich jetzt - aber nöd will ihr truurig gmacht worde sind, sondern will eu die truurig zu de reue veralasst het. Ihr sind im Sinn Gottes truurig gmacht worde, damit ihr ewäg kei Schade erleidet.

10 Denn Truurigkeit im Sinn Gottes füehrt zur Reue und damit zur Rettig; debi isch nüt z beduure. D Truurigkeit vo de Wält aber füehrt zum Tod.

11 Gseht nur, zu welem grosse Ernsthaftigkeit s bi eu gfüehrt het, dass ihr im Sinn Gottes truurig gmacht worde sind, ja zu welem Entlastig, wele Empörig, wele Furcht, wele Sehnsucht, welchem Eifer, welchem Eifer, welchem Berechtigung vo Unrecht! Ihr hend eu i dere Sach i jedere Hinsicht als rein erwiese.

12 Won i eu gschriebe han, han i s weder für de do, wo s Unrecht verübt hät, no für dä, wo s zuegfüegt worde isch, sondern damit eui ernschthafts Bemüeh, uf eus z ghöre, vor Gott dütlich wird.

13 Drum hemmer öis tröschtet gfühlt. Zu eusem Trost isch jedoch no die grösser Fröid dezue cho, dass de Titus sich so gfreut het, will ihr alli händ em neui Chraft gä.

14 Wenn ich zu ihm gseit ha, wie stolz ich uf eu bi, muess ich mich defür nöd schäme. So wie alles was mir eu gseit händ, de Wohrheit entsproche hät sich au das wo mir Titus stolz verzellt händ als wahr erwiese.

15 Au isch sini innige Liebi zue äich noh gresser, wenn na an d Ghorsam vu äich alle denket und dra, we ihr nen mit Furcht un Zittere gregt hän.

16 Ich freu mich, dass ich i jedere Hinsicht uf eu vertraue chan.

2.Korinther 6 vo 13

6:1 Als Gottes Mitarbeiter bitte mir eu au idringlich, nöd die unverdienti Güte Gottes aznäh und glichzitig ihre Zwäck zverfähle.

2 Will er seit: "Ire annehmbare Ziit han ich dich erhört und an eim Tag vo de Rettig han ich dir ghulfe. Gseht! Jetzt isch die bsunders annehmbari Ziit. Gseht! Jetzt isch de Tag de Rettig.

3 I kei Hisicht gäbemer irgend en Alass zum Stolper damit euse Dienst nöd bemänglet wird,

4 sondern i jedere Hinsicht empfähled mir eus als Gottes Diener: dur s Usharre in vielem, in schwere Ziite, in Notlage, in Schwierigkeite

5 under Schläg, in Haft, bi Unrueh, bi harte Arbet, in schlaflosi Nächt, bi Mangel a Nahrig.

6 Mir zeigets durch Reinheit, durch Erkenntnis, durch Geduld, durch Güte, durch heilige Geischt, durch unghüchlete Liebi,

7 durch wahri Wort, durch Gottes Kraft, durch d Waffe vu de Grechtigkeit i de rechte Hand und i de linke,

8 ob in Ehre oder Unhre, ob bi guetem oder schlächtem Bricht. Mir gelted als Betrüger, obwohl mer d wohrheit säged,

9 als unbekannt, obwohl mer anerkannt sind, als sterbend, obwohl mer doch läbed, als bestraft, aber nöd em Tod usgliferet,

10 als trurend, obwohl mer eus immer freued als arm obwohl mer viel riich mached als besitzlos, obwohl mer alles besitzed.

11 Mir hend euses Muul göffnet, zum zu eu rede, ihr Korịnther, und mir hend euses Herz wiit göffnet.

12 Eusi Liebi zu eu isch nöd begrenzt, aber eui innigi Liebi zu eus isch begrenzt.

13 Drum rede ich wie mit mine Chind – öffnet doch au ihr im Gegenzug eues Herz wiit.

14 Bildet kein ungliiches Gspann mit Ungläubige. Denn wie ghöre Gerechtigkeit und Gsetzlosigkeit zäme? Oder was het Liecht mit Finsternis z tue?

15 Und weli Übereinstimmig gits zwüsche Christus und Bẹlial? Oder was het en Gläubige mit eme Ungläubige gmeinsam?

16 Und wie vertreit sich Gottes Tempel mit Götze? Mir sind schliesslich en Tempel vomene lebändige Gottes. Gott het jo gsait: "Ich wär bi nene wohne un in ihre Mitti si, un i wär Gott si, un sie wäre mi Volk si.

17 Darum gaht us ihrere Mitti use und sondern eu ab', säit Jehova, 'und berüert nüt unreins meh, und ich wird eu ufnäh.

18 Ich will aicha Vater si und ihr wäret mini Buebe und Töchter si, sait Jehova, der Allmächtige.

2.Korinther 5 vo 13

5:1 Mir wüssed ja: Wänn euses irdische Huus, das Zelt, niedergrisse wird, werded mir es Gebäude vo Gott becho, es Huus wo nöd mit Händ gmacht worde isch, es ewigs Huus im Himmel.

2 Denn i dem irdische Huus süüfed mer würkli, und mer sehned eus sehr nachher, euses himmlische Huus aazlege.

3 Wemmers den alegged, stömmer nöd nackt da.

4 Ja mir, wo mir i dem Zelt sind, sufzed und sind belastet, will mers nöd wend ablegge, aber gern s andere würded alegge, demit s Stärbliche vom Läbe verschlunge wird.

5 Gott selber het eus grad druf vorbereitet. Er het eus de Geist als Pfand für das gäh wo söll cho.

6 Mir sind also immer zueversichtlich und wüssed das mir, solang mer i eusem körper dihei sind, vom herr fern sind,

7 denn mir läbed dur Glaube und nöd durre luege.

8 Doch mir sind zueversichtlich und würed lieber vom Körper fern und bim Herrn dihei sii.

9 Ob mir also bi ihm dihei oder vo ihm fern sind, mir setzed eus zum Ziil, für ihn ahnämbar zsi.

10 Denn mir müend alli vor em Richterstuehl vom Christus erschiine, damit jede de entsprechend Lohn bechunt, je nachdem waser gmacht het während er en Körper gha het ob guets oder böses.

11 Da mer also d Ehrfurcht vorem Herr kenned, überzüged mer ständig d Mensche, doch sind mir Gott bekannt. Ich hoffe allerdings, dass mir au eurem Gwüsse bekannt sind.

12 Mir empfhled eus nöd wieder sälber bi eu sondern gänd eu Alass uf eus stolz zsi. Denn chönd ihr dene e Antwort geh wo uf Üsserlichkeite stolz sind, nöd aber uf das wo im Herze isch.

13 Denn wemmer de Verstand verlore hend, denn isches für Gott gsi. Simmer aber vernünftig, so isches für eu.

14 Denn d Liebi, wo de Christus het, tribt eus ah. Mir sind nämlich zu dem Schluss cho, dass en Mensch für alli gstorbe isch, also sind alli gstorbe gsi.

15 Und er isch für alli gstorbe, damit d Läbe nüme für sich sälber läbe, sondern für dä, wo für si gstorbe und uferweckt worde isch.

16 Mir betrachted also vo jetzt a niemert meh nach menschliche Massstäbli. Sälbscht wänn mer Christus früehner nach mänschliche Massstäbli betrachtet händ, tüemmer's doch jetzt nüme.

17 Wen daher öpper mit Christus verbunde isch, dänn isch er e neui Schöpfig. S Alte isch vergange. Gseht! Öppis Neus isch entstande.

18 Alles aba kummt vu Gott, der uns durch Chrischtus mit sich versöhnt und uns de Dienscht vu de Versöhnig ibertrage het,

19 nämlich dass Gott durch Christus e Welt mit sich versöhnt het, indem er ihne ihri Verfählige nöd aagrechnet het. Und er het euis d Botschaft vo de Versöhnig avertrut.

20 Mir sind also Gsandti statt Christus – so als ob Gott durch eus a d Mensche würd appelliere. Mir bitte anstatt Christus: "Lönd Euch mit Gott versöhne."

21 Gott het de, de Sinde nit kännt het, fir uns zue d Sinde gmacht, dass ma durch nen zu Gottes Grechtigkeit wäre.