üsi-bible-uf-züridütsch

D Psalme 84 bis 150

Für de musikalisch Leiter. Uf de Gittịth. Vo de Söhn Kọrahs. E Musigstück.

84:1 Wie wunderschön dini grossartigi Wohnig doch isch,

o Jehova, Herr de Heere!

 2 Mis ganze Ich sehnt sich nach de Vorhöf Jehovas,

ja ich vergahn vor Sehnsucht

Mit mim Herze und jede Faser vo mim Körper

juble ich em lebändige Gott zue.

 3 Selbst de Vogel findet det es dihei

und die Schwalbe es Näscht für sich,

wo sie sich um ihri Junge kümmeret,

in de Nööchi vu dinem grossartige Altars, o Jehova, Herr de Heere,

min Chönig und mein Gott!

 4 Glücklich sind die wo i dim Huus wohned!

Sie prised dich immerzu. Sela

 5 Glücklich sind die Mänsche wo ihri Chraft bi dir findet,

deren Herz uf d Landstrasse grichtet isch.

 6 Wänns durs Bạkatal ziehnd,

verwandleds es inen Ort voller Quelle.

Und de Früener hüllts in Sege.

 7 Uf ihrem Wäg gwünneds immer meh a Chraft.

Und in Zion schiint en jede vor Gott.

 8 O Jehova, Gott de Heere, hör mis Gebet.

Hör zue, o Gott Jakobs. Sela

 9 Sieh her, euses Schild und euse Gott,

lueg ufs Gsicht vo dim Gsalbte.

10 Denn ein Tag i dine Vorhöf isch besser als 1000 anderschwo!

Lieber stoh ich a de Schwelle vum Huus vu minem Gott,

als i de Zeltä vo de Schläfrigkeit z wohne.

11 Denn Jehova Gott isch Sunne und Schild.

Er schänkt Gunst und Herrlichkeit.

Jehova wird dene nüt Guets vorenthalte,

wo de wäg vo de Integrität gönd.

12 O Jehova, Herr de Heere,

glücklich isch de Mänsch wo uf dich vertrauet.

D'Psalme 83 bis 150

Es Lied. Es Musigstück vo Ạsaaph.

83:1 O Gott, schweig nöd.

Blib nöd ruhig, seg nöd still, o Göttlicher.

 2 Sieh doch, dini Find tobe!

Dini Hasser verhaltet sich arrogant.

 3 Mit List heckeds heimlich Plän geg dis Volk us.

Geg die wo dir viel bedütet, verschwöreds sich.

 4 Sie seged: "Chömed, mir lösched sie als Volk us,

damit mer sich nüm a de name Israel erinneret."

 5 Sie dänked sich e gmeinsami Strategie uus.

Gäge dich händ sie sich verbündet:

 6 die Zelte Ẹdoms und d Ismaelịter, Mọab und die Hagrịter,

 7 Gẹbal und Ạmmon und Ạmalek,

Philistạ̈a zäme mit de Bewohner vo Tỵrus.

 8 Au Assyrie het sich ihne agschlosse.

Sie unterstützed d Söhn Lots. Sela

 9 Machs mit ihne wie mit Mịdian

wie mit Sịsera und Jạbin am Bacha Kịschon.

10 Bi Ẹn-Doro sinds vernichtet worde.

Si sind z Dünger worde für de Erdbode.

11 Lönd ihri edle so werde wie Ọreb und Seẹb

und ihri Fürste wie Sẹbach und Zalmụnna,

12 als sie gseid hend: "Lönd eus das Land erobere, wo Gott wohnt."

13 O mein Gott, mach sie zunere umwirbelnde Distel,

zu Stroh wo de Wind umenandweht.

14 Wie es Füür wo de Wald niederbrennt,

wie e Flamme wo d Berge versengt,

15 so verfolg sie mit dim Sturm

und verschreck sie mit dim Orkan.

16 Bedecki ihres Gsicht mit Unhre,

damit mer nach dim Name suecht, o Jehova.

17 Für immer sölleds beschämt und in Schreckä sii.

Sie sölled Schand erliide und umcho.

18 Die Mensche sölled wüsse, dass du, de Name Jehova isch,

du allei de Höchsti bisch über die ganz Erde.

Psalme 81 bis 150

Für de musikalisch Leiter. Uf de Gittịtha. Vo Ạsaaph.

81:1 Jublet Gott zue, eusere stärchi

Rüeft em Gott Jakobs triumphierend zue.

 2 Fangt a musiziere und nimmt es Tamburin,

die melodischi Harfe zäme mit em Saiteninstrument.

 3 Blast s Horn bi Neumond und bi Vollmond

für euse Fäschttag.

 4 Denn es isch e Verordnig für Israel,

en Entscheid vom Gott Jakobs.

 5 Er het ihn de Joseph als Erinnerig gäh,

woner gäg Ägypte vorruckt hät.

Ich han e Stimm ghört wo ich nöd erkannt han:

 6 "Ich ha de Last vo sinere Schultere gno,

befreiti sini Händ vom Chorb.

 7 In dinere Not riefsch und ich befreie dich.

Ich han dir us de Gwitterwolke gantwortet.

Bim Wasser vo Merịba han ich dich ufd Probe gstellt. Sela

 8 Hör, mis Volk, und ich wird gege dich ussäge.

Wennd doch nur uf mich würsch ghöre, o Israel!

 9 Under dir wirds dann kein fremden Gott geh.

Vor eme usländische Gott wirsch dich nöd verbüüte.

10 ich Jehova bin din Gott,

wo dich us Ägypte usegfüehrt hät.

Öffne Dis Muul wiit und ich wird en fülle.

11 Mol mis Volk het nöd uf mini Stimm ghört.

Israel hett sich mir nöd welle unterordne.

12 Da hani sie ihrem schture Herze folge.

Si händ gmacht, was si für richtig ghalte händ.

13 Wänn mis Volk doch nur uf mich wür losä,

wenn Israel doch nur uf min Wäge gieng!

14 Schnell würi sini Find unterwerfe.

Mini Hand würdi gäge sini Gegner richte.

15 D'Jehova hassed, werded sich i sinere Gägewart ducke,

und ihres End wird für immer sii.

16 Dich aber wird er mit em beschte Weize ernähre,

mit em Honig usem Felse wird er dich sättige."