üsi-bible-uf-züridütsch

D Psalme 137 bis 150

137:1 A de Flüss Babylons, det hämmer ghocket.

Mer brüelet wo mer a Zion zruggdänkt hend.

 2 a die Papple i sinere Mitti

hänged mer eusi Harfe.

 3 Denn dete hend die gforderet wo eus gfange hend es Lied vo eus.

Die händ eus verspottet, verlangt Unterhaltig:

"Singt für öis eis vo de Lieder Zions."

 4 Wie chönd mir das Lied Jehovas singe

uf fremdem Bode?

 5 Falls ich dich vergesse o Jerusalem,

de söll mini rächti Hand vergesslich si.

 6 Mini Zunge söll a mim Gaume chläbe,

wänn ich mich nöd a dich erinnere,

wenn ich Jerusalem nöd zu minere höchste Freud erhebe.

 7 dänk doch dra o Jehova,

was die Edomiter a dem Tag gseit händ, wo Jerusalem gfalle isch:

"Reisst es nieder! Reisst es nieder bis auf den Grund!"

 8 O Tochter Babylon wo bald söllsch verwüschtet werde,

glücklich wird de sii wo dir heizahlt,

was du eus ahtan hesch.

 9 Glücklich wird de sii wo dini Chind packt

und gäg d Felse schleuderet.

D Psalme 136 bis 150

136:1 Danket Jehova denn er isch guet

sini loyali Liebi bliibt für immer.

 2 Dank em Gott de Götter,

dänn sini loyali Liebi bliibt für immer.

 3 Dank em Herr vo de Herre,

dänn sini loyali Liebi bliibt für immer.

 4 Er allei tuet grossi Wunder,

dänn sini loyali Liebi bliibt für immer.

 5 Mit Gschick het er de Himmel gschüffet,

dänn sini loyali Liebi bliibt für immer.

 6 Er het d'Erde über em Wasser breitet,

dänn sini loyali Liebi bliibt für immer.

 7 Die grosse Lichter het er gmacht,

denn sini loyali Liebi bliebt für immer,

 8 ja d Sunne, damit sie über de Tag herrscht,

denn sini loyali Liebi bliebt für immer,

 9 de Mond und d Stärne, damits über d'Nacht herrsched,

dänn sini loyali Liebi bliibt für immer.

10 Die Erschtgeborene vo Ägypte erschluckt,

dänn sini loyali Liebi bliibt für immer.

11 Us dem Mitti hät er Israel use gführt,

denn sini loyali Liebi bliebt für immer,

12 mit starche Hand und usgstrecktem Arm,

dänn sini loyali Liebi bliibt für immer.

13 S Rote Meer het er teilt,

dänn sini loyali Liebi bliibt für immer.

14 Israel het er mittlerwiile lah,

dänn sini loyali Liebi bliibt für immer.

15 De Pharao und sin Heer isch er is Rote Meer gworffe,

dänn sini loyali Liebi bliibt für immer.

16 Sis Volk het er dur d Wildnis gfüehrt,

dänn sini loyali Liebi bliibt für immer.

17 Er het grossi Könige gschlage,

dänn sini loyali Liebi bliibt für immer.

18 Mächtigi Könige hät er umbrocht,

denn sini loyali Liebi bliebt für immer,

19 Sịhon, de König vo de Amorịter,

denn sini loyali Liebi bliebt für immer,

20 und Og, de König vo Bạschan,

dänn sini loyali Liebi bliibt für immer.

21 Ihres Land het er sim Volk als Erbe gäh,

denn sini loyali Liebi bliebt für immer,

22 als Erbe für Israel, sin Diener,

dänn sini loyali Liebi bliibt für immer.

23 Erinneret sich a eus wo mir am Bode gsi sind,

dänn sini loyali Liebi bliibt für immer.

24 Immer wieder rettet er eus vor eusne Gägner,

dänn sini loyali Liebi bliibt für immer.

25 Alle Lebewese git er Nahrig,

dänn sini loyali Liebi bliibt für immer.

26 Dank em Gott vom Himmel,

dänn sini loyali Liebi bliibt für immer.

D Psalme 135 bis 150

135:1 Preist Jah!

Priist de Name Jehovas.

Priist Jehova, ihr sini Diener,

 2 ihr wo ihr im Huus Jehovas stönd,

i de Vorhöfä vom Huus üsem Gott.

 3 Priist Jah denn Jehova isch guet.

Singt Lieder zur Ehr vom Name, denn das isch öppis Schöns.

 4 Jahr het sich nämlich Jakob usgwählt,

Israel zu sim bsundrige Eigetum.

 5 Ja, ich weis nur zu guet, dass Jehova gross isch.

Üse Herr isch grösser als alli andere Götter.

 6 Jehova macht alles was ihm gfallt,

im Himmel und uf de Erde, in de Meer und in allne Tiefe.

 7 Er laht Wulche ufstiege vo de Endi vo de Erde här.

Er macht Blitz für de Räge,

de Wind holt er us sine Vorratshüüser füre.

 8 Die Erschtgeborene Ägypte erschluckt,

Mensch und Tier.

 9 Er het Zeiche gmacht und Wunder i dinere Mitti, o Ägypte,

gege de Pharao und alli sini Diener.

10 Er het viel Völker gschlugt

und tötet mächtigi Könige:

11 Sịhon, de König vo de Amorịter,

Og, de König vo Bạschan,

und alli Königrichi Kạnaans.

12 Ihres Land het er Israel als Erbe gäh,

als Erbe für sis Volk.

13 O Jehova, din Name bliebt für immer.

O Jehova, din Ruhm bliibt alli Generatione durre.

14 Denn Jehova wird sis Volk verteidige

und er wird Mitgfühl für sini Diener empfinde.

15 Die Götze vo de Völker sind us Silber und Gold,

s Werk vom Mänschehand.

16 Es Muul hends aber sie chönd nöd rede,

Auge, aber sie chönd nöd gseh.

17 Ohre hends, aber sie chönd ned ghöre.

Kei Atem isch irem Muul.

18 Die sie mached, werdet ihne gliich werdet,

ebeso alli wo uf sie vertraued.

19 O Huus Israel, priist Jehova.

O Huus Aaron, priist Jehova.

20 O Huus Lẹvi, priist Jehova.

Die ihr Ehrfurcht vor Jehova hän, priist Jehova.

21 Gpriise seig Jehova vo Zion us,

er, der in Jerusalem wohnt.

Priist Jah!