Prediger 4 vo 12
- von Rico Loosli 6934 Bioggio
-
Zugriffe: 516
Prediger 4 vo 12
4:1 Wieder han ich mini Ufmerksamkeit uf all die Tate vo de Unterdrückig grichtet wo under de Sunne begange werdet. Ich han die Unterdrückte gseh und niemert het sie tröschtet. Niemer het sie tröschtet und die Unterdrücker hend d Macht gha.
2 Und ich beglückwünschte die Tote wo scho gstorbe sind, statt de Lebende, wo no am Läbe gsi sind.
3 Und besser dra als beidi isch de wo nonig gebore isch wo s deprimierende Tue under de Sunne nöd gseh het.
4 Und ich han gseh, wie vill Iisatz und gueti Leistig dur d Rivalität zwüsche Mensche usglöst wird. Au das isch Sinnlosigkeit – so, wie mer de Wind het welle afange.
5 De Dummchopf faltet d Händ während er zgrund gaht.
6 Besser isch e Handvoll Rueh als e doppelti Handvoll härte Arbeit und Wind wölle afange.
7 Ich han mini Ufmerksamkeit uf es wiiters Bispiil für Sinnlosigkeit under de Sunne grichtet:
8 Da isch eine wo ganz allei isch ohni irgendöpper a sinere Siite. Er het weder Sohn na Brüeder und doch nimmt all sini herti Arbet keis End. Sini Auge werded vom Riichtum niemol satt, aber fröögt er sich jemals: "Für wen schaff i eigentli so hert und gönn mer nüüt Guets?"?i Au das isch Sinnlosigkeit und ä eländi Beschäftigung.
9 Zwei sind besser als eine allei wills grössere Nutze von ihrere herte Arbeit hend.
10 Denn wenn eine vo dene gheit, cha de andere sim Partner ufhälfe. Was aber wird us dem wo fallt und niemert het, wo ihm ufhilft?
11 Usserdem: Wänn zwei näbedenand ligged, wäred sie sich gegesiitig. Wie aber chan sich eine ällei warm hebe?
12 Öpper chan en Einzelne liecht überwältige, doch zwei zäme chönnd gege ihn standhalte. Und e drüfachi Schnurre laht sich nöd so schnell zerrisse.
13 Besser isch en arme, aber wiise bueb als en alte, aber dumme König wo nüme gnueg Verstand het en Warnig z beachte.
14 Denn er isch üs däm Gfängnis kumme, um Kenig z wäre, obwohl er unda däm Herrschaft arm gebore worde isch.
15 Ich han über all Läbige nachedänkt, wo under de Sunne umenandgönd, au über de jung Nachfolger wo a d Stell vom andere tritt.
16 Obwohl er unzähligi Unterstützer het, werded die wo spöter chömmed, mit ihm nöd glücklich si. Au das isch Sinnlosigkeit – so als het mer de Wind welle afange.