Philipper 4 vo 4

Philipper 4 vo 4

4:1 Drum mini gliebte Brüedere, nach dene ich mich sehne, mini Fröid und Krone staht so wie ichs erwähnt han, im Herr fescht da, mini liebe.

2 Ich bitte Euọdia und Syntỵche dringend im Herr übereinstimmend zu denken.

3 Ja ich bitte au dich als treue Mitarbeiter, dene Fraue wiiter bezstönd. Si händ Siite a Siite mit miir für die guet Botschaft kämpft, zämmen mit Chlemens und au dä übrig vo minere Mitarbeiter, wo ir Name im Buech vom Läbe stönd.

4 Freut eui immer im Herr. Ich säg nomal: Freued eu!

5 Euri Vernünftigkeit söll allne Mensche bekannt werde. De Herr isch nooch.

6 Mached eui um nüt Sorge, sondern lönd Gott in allem dur Gebet und Flehe zäme mit Dank wüsse, was eui Bitte sind.

7 Denn wird de Friede Gottes, wo allne Verstand überstiegt, eues Herz und eui Denkraft dur de Christus Jesus behüete.

8 Schliesslich, Brüeder, dänk wiiter über alles nach, was wohr isch, was vo ernsthaftem Interesse isch, was grächt, rein und liebenswert isch, worüber guet gsproche wird, und über alles wo moralisch wertvoll und lobenswert isch.

9 Setzt des, was ihr glernt un au agnumme hän, was ihr ghärt hän un bi ma gsähne hän, in d Tat um, un dr Gott vum Friede wird äich biischtoh.

10 Ich freu mich sehr im Herrn, dass euri Fürsorge für mich jetzt endlich wieder ufblüetet isch. Ihr sind zwar um mich bsorgt gsi, doch ihr hend nöd d Glägeheit gha, es z zeige.

 11 Ich säg das nöd, will mir öppis fehlt, den ich han glernt unabhängig vo de Umständ zurecht zcho.

12 Ich weiss was es heisst wenig zha und was es heisst überfluss zha. In allem und under allne Umständ hani s Gheimnis känne glernt, sowohl satt z sii als au z hungere, sowohl überfluss zha als au Mangel z liide.

13 Für alles bini starch dur de wo mir Chraft git.

14 Denoch isch es guet gsi, dass ihr mir i mine Schwierigkeite ghulfe hend.

15 Ja ihr Philịpper wüssed au: Nachdem ihr die gueti Botschaft känneglernt hend und wo ich vo Mazedọnie abriist, het sich kei Versammlig mit mir am Gä und Empfange beteiligt - nur ihres allei.

16 Woni in Thessalọnichi gsi bin hender mer ned nur ei mal, sondern zwei mal öppis für mini Bedürfnis zcho.

17 Nöd das ich öppis vo euch ha möcht sondern mir gahts um de Ertrag wo euem Konto meh Guethabe ibringt.

18 Ich han alles was ich bruch, ja sogar no meh. Ich bin guet versorgt, jetzt woni dur Epaphrodịtus becho han, was ihr gschickt händ en liebliche Duft, es annehmbars Opfer wo sich Gott sehr freut.

19 Mein Gott sinersiits wird all euri Bedürfnis entsprechend sim Richtum in Herrlichkeit dur Christus Jesus völlig befriedige.

20 Euse Gott und Vater gebührt d Herrlichkeit für immer und ewig. Amen.

21 Richtet mini Grüess jedem Heilige us, wo mit Christus Jesus verbunde isch. D Brüeder, de bi mir sin, len äich grüsse.

22 Alli Heilige, bsunders aber die vom Huus Cäsars, schicked eu ihri Grüesse.

23 Die unverdiente Güte vom Herrn Jesus Christus seg mit em Geischt, wo ihr zeiged.