Josua 14 vo 24

Josua 14 vo 24

14:1 Nun folgt das Gebiet, wo die Israelite im Land Kạnaan als Erb in Besitz gno hend. De Prieschter Eleạsar und Jọsua, de Sohn Nuns, und d Oberhäupter vo de Grossfamilie vo Israels händ es ihne als Erbbsitz gäh.

2 Das Land isch durs Los verteilt worde, so wies Jehova dur Moses für die nünihalb Stämm agordnet het.

3 De übrige zweiehalb Stämm het de Moses ihre Erbbsitz uf de andere Jordansiite geh, und de Levịte het er kei Erbbsitz im Land geh.

4 Die Nochkomme Josephs galte als zwei Stämm: Manạsse und Ẹphraim. De Levịte het mer kei Landateil geh usser Städt wo sie hend chönne wohne und em dezue ghörige Weideland für ihres Vieh und ihre Bsitz.

5 Die Israelite hend das Land verteilt also genau so wie Jehova Moses agwise het.

6 In Gịlgal sind d Männer vom Juda an Jọsua ane gstande, und de Kạleb, de Sohn vom Jephụnne wo de Kenisịter gseit het: "Du weisch doch, was Jehova in Kạdesch-Barnẹal zu Moses, dem Mann des wahre Gottes, über dich und mich gseit hät.

7 Ich bi 40 Jahr alt gsi wo mich Moses, de Diener Jehovas, vom Kạdesch-Barnẹa losgschickt het zum das Land uskundschafte, und ich bi mit emne offene und ehrleche Bricht zrugkehrt.

8 Mini Brüeder wo mit mir gange sind hend em Volk allne Muet gno. Trotzdem bin ich min Gott Jehova vo ganzem Herze gfolgt.

9 An diesem Tag schwor Moses: 'S Land wo du betrete hesch, wird zumene bliebende Erbe für dich und dini Söhn, will du min Gott Jehova vo ganzem Herze gfolgt bisch.

10 Jehova het mich wie versproche am Lebe übercho i dene 45 Jahr, sitdem Jehova Moses das Verspreche gäh het – damals wo Israel dur d'Wildnis gwanderet isch. Hüt, mit mine 85 Jahr bini immer na da.

11 Ich bin hüt na genauso starch wie a dem Tag wo Moses mich losschickt het. So wie mini Chraft damals gsi isch, isch sie na jetzt, öb für de Chrieg oder für anderi Unternehmige.

12 Gib mer drum s Bergland wo Jehova mir a dem Tag zuegseit hät. Du hesch damals ghört das döt ennakịter i grosse befestigte städt gläbt hend, aber Jehova wird sicher a minere siite sii, und ich wird si vertriebe, so wie Jehova s versproche het.“

13 Jọsua hät Kạleb, de Sohn vo Jephụn, und hät em Hẹbron als Erbe gä.

14 Drum isch Hẹbron bis hüt de Erbbsitz vom Kenisịter Kạleb, Sohn vom Jephụn, will er Jehova, em Gott Israels, vo ganzem Herze gfolgt het.

15 Hẹbron het früehner Kịrjath-Ạrba gheisse (Ạrba isch de grossi Maa unter de Enakịtere gsi). Das Land het jetzt Rueh vom Chrieg gha.