Jesaja 46 vo 66

Jesaia 46 vo 66

46:1 Bel beugt sich, Nẹbo krümt sich.

Ihri Götzebilder sind uf Tier glade worde, uf Lasttiere,

wiä Gepäck, wo uf müedä Tier lastet.

 2 Gmeinsam krümmed und beugeds sich.

Si chönd die Laste nöd rette

und gönd sälber i d Gfangeschaft.

 3 "Höret uf mich, o Huus Jakob und Ihr alli wo ihr vom Huus Israel übrig bliebe sind,

Ihr, wo ich vo Geburt aagstützt und vom Muetterliib a treit han.

 4 Bis ihr alt sind wird ich gliche si.

Bis eui Haar grau sind wird ich eu träge.

Wie scho bisher wird ich eu stütze und träge und befreie.

 5 Mit wäm wännd ihr mich glichstelle oder glichmache oder vergliiche,

zum gseh ob mer eus ähnled?

 6 Mängi schütte das Gold nur so us ihrem Gäldbütel.

Uf ere Waag wie si s Silber ab.

Sie beuftraged en Metallbearbeiter und er macht drus en Gott.

Dänn rüereds sich nieder, ja sie bätted en a.

 7 Sie hebed en uf d Schultere,

träged ihn und stelled en an sin Platz – und da staht er dänn.

Er bewegt sich nöd vo de Stell.

Mer schreit zu ihm, aber er antwortet nöd.

Er chan niemert us de Not rette.

 8 Denkt dra und fasst Muet.

Nehmeds eu z Herze ihres Gsetzübertreter.

 9 Denkt a s Früecher, lang Zruggliegende:

Ich bin Gott und es git kei anderi.

Ich bin Gott und keine isch wie ich.

10 vo Afang ah sägi vorher wie e Sach usgoht,

und lang im Vorus kündig ich a, was nanig tah worde isch.

Ich säg: 'Mini Entscheidig wird feststah,

und ich wird tue was immer ich möcht.'

11 Us em Oste rüef ich en Raubvogel,

useme ferne Land de Maa wo mini Entscheidig söll usfüehre.

Ich hä gredt und wirde s verbiifüehre.

Ich has mer vorgno und wirds au usfüehre.

12 Höred mer zue, ihr mit eurem schtuure Herze,

Ihr, de ihr vu Grechtigkeit wyt entfärnt sin.

13 Ich han mini Gerechtigkeit nöcher rügge lah.

Sie isch nöd fern

und mini Rettig wird sich nöd verspätä.

Ich wird in Zion für Rettig sorge und Israel mini Pracht verleihe."