Jesaia 9 vo 66
- von Rico Loosli 6934 Bioggio
-
Zugriffe: 347
Jesaja 9 vo 66
9:1 Dunkelheit wird jedoch nöd so si wie zu de Zit wo s Land in Not isch gsi wie in früehnere Ziite wo s Land Sẹbulon und s Land Nạphtali verächtlich behandlet worde sind. Doch zunere spätere Ziit wird Gotts zu Ehre bringe – de Wäg am Meer, i de Jordangegend, das Galilạ̈a de andere Völker.
2 S Volk wo i de Finsternis umenandgange isch,
het es grosses Liecht gseh.
Die im Land tüüfed Schattens wohned,
Liecht schiesse uf sie.
3 Du hesch d Nation vollkreich gmacht.
Du hesch ihri Fröid gross gmacht.
Sie freued sich vor dir,
wie mer sich ide ärnteziit freut,
wie mer jubled, wenn mer d Büüti ufteilt.
4 Denn du hesch s Joch zerschmetteret wo uf ihne lastet,
de stock uf ihrne schultere, de stab vom arbeitsantriber,
wie am Tag Mịdians.
5 Jede Stiefel, wo bim Marschiere d Erde erschütteret,
und jedes bluetgetränk Gwand
wird es Raub vo de Flamme werde.
6 Denn eus isch es Chind gebore worde,
en Sohn isch eus gäh worde.
Er wird s Herrscherrecht ha.
Si Name wird sii: Wunderbare Ratgeber, Mächtige Gott, Ewigvater, Friedefürscht.
7 Sini Herrschaft wird sich immer wiiter usdehne
und de friede wird endlos si
ufem Thron David und i sim Königrich.
Durch Rächt und Gerechtigkeit
wirds gfestigt und gstützt
vo jetzt a bis in Ewigkeit.
De Eifer Jehovas, vom Herr vo de Heere, wird das bewirke.
8 Jehova hät Jakob en Warnig gschickt,
sie het für Israel iigreffe.
9 Und das ganze Volk wirds wüsse,
Ẹphraim und d Bewohner vo Samạria,
Alli, wo in ihrere Überheblichkeit und in de Unverschämtheit vo ihrem Herz säge:
10 "Ziegelmuure sind gfalle,
doch mir werded mit behaune Stei baue.
Mulbeerfeigebäum sind umghaue worde,
doch mer werded sie dur zeder ersetze."
11 Jehova wird die Gegner Rẹzins gege ihn ufstachle
und sini Feinde zum Handle bewege,
12 Syrie usem Oste und d Philịster usem Weste,
sie werded Israel mit ufgrissnem Muul verschlinge.
Wäg allem het sich sin Zorn nöd abgwandt,
sondern sini Hand isch na zum Schlage usgstreckt.
13 Denn s'Volk isch zu dem wo's schlaht, nöd zruggkehrt.
Jehova, de Herr vo de Heere händs nöd gsuecht.
14 Amene einzige Tag wird Jehova vo Israel
Chopf und Schwanz, junge Trieb und Base abhaue.
15 De Ältest und Hochanggesehne isch de Chopf,
und de Prophet wo falschi Aleitig git, de Schwanz.
16 D Führer vo dem Volk füehreds i d Irre,
und die wo gfüehrt werded sind verwirrt.
17 Deshalb wird Jehova sich nöd über ihri junge Manne freue
un mit ihrne vaterloselose Kinda un ihrne Witwe kei Erbarme hän,
denn sie alli sind abtrünnigi und Übeltäter
und us jedem Muul chunt Unsinn.
Wäg allem het sich sin Zorn nöd abgwandt,
sondern sini Hand isch na zum Schlage usgstreckt.
18 Denn d Schlächtigkeit brennt wie es Füür,
s Dornegstrüpp und Unkraut uffrisst.
Sie wird d'Dickichte vom Wald i Brand stecke
und in Rauchwolke ufstiege la.
19 Wäg em Zorn Jehovas, em Herrn vo de Heere,
isch das Land in Brand gsteckt worde,
und s Volk wird es Raub vo de Flamme werde.
Keine wird au nur sin Brüeder verschone.
20 Eine wird rechts öppis abhacke,
aber dennoch hungrig bliibe.
Und eine wird links frässe,
aber dennoch nöd satt werde.
Jede wird s Fleisch vo sim eigete Arme verschlinge,
21 Manạsse wird Ẹphraim verschlinge
und Ẹphraim Manạsse.
Zäme werded sie geg Juda si.
Wäg allem het sich sin Zorn nöd abgwandt,
sondern sini Hand isch na zum Schlage usgstreckt.