Jesaia 34 vo 66
- von Rico Loosli 6934 Bioggio
-
Zugriffe: 347
Jesaia 34 vo 66
34:1 Chömed her, ihr Natione zum ghöre,
und ihr volk, passt guet uf!
D'Erde und alles druf söll zuelose,
das Land samt sim ganze Ertrag.
2 Denn Jehovas Empörig richtet sich gege alli Natione
und siis Zorn gäge ihr ganze Heer.
Er wird sie räschtlos vernichte.
Er wird sie de Vernichtig priisgeh.
3 Ihri Erschlagene werded higworfe
und de Leichegstank wird ufstiige.
D Berge werded zerfliesse vo ihrem Bluet.
4 Das ganze Heer vom Himmel wird verwese
und de Himmel wird wie e Buechrolle zämegrollt werde.
Sis ganze Heer wird welke
wie es vertrocknets Blatt wo vom Wyschtock gheit,
und wie e verschrumpelti Fiige, wo vom Fiigebaum gheit.
5 "Denn im Himmel wird mis Schwert tränkt.
Uf Ẹdom wirds abefahre zum Gricht,
ufs volk woni zur restlose Vernichtig bestimmt han.
6 Jehova hät es Schwert, es wird voll Bluet sii.
Es wird voll sii vom Fett,
vom Bluet junge Schafböck und Geiss,
vom Nierefett vo de Schafböck.
Denn Jehova verastaltet in Bọzra es Opfer,
es grosses Schlachte im Land Ẹdom.
7 Au d Wildstier werded mit abe gah,
die junge Stier zäme mit de starche.
Ihres Land wird mit Bluet tränkt werde
und ihr Staub mit Fett."
8 Denn Jehova het en Tag vo de Rache,
es Jahr de Verglich für de Rechtsfall um Zion.
9 Sini Bäch werded in Pech verwandlet
und sin Staub in Schwefel.
Sis Land wird wie brennends Pech werde,
10 das weder bi Nacht no bi Tag glöscht wird.
De Rauch wird für immer ufstiige.
Vo Generation zu Generation wirds verwüschtet bliibe.
Für immer und ewig wird niemert durezieh.
11 De Pelikan und s Stachelschwein werdets bsitze
und Waldohrele und Rabe werded drin wohne.
Er wird d Messschnur vo de Läär drüber spanne
und es mitem Lot vo de Trostlosigkeit messe.
12 Keine vo de Edle det wird als König usgruefe
und alli füehrende Manne werded zu nüt.
13 In sine Verteidigungstürmen werden Dornen wuchern,
Nessle und dornigs Unkraut i sine Feschtige.
Es wird en Unterschlupf für Schakale werde,
es Gehege für Strusse.
14 Die Wüstentier werded sich dete mit hüülende Tier träffe
und d Wildzüüg wird irem Gfäärte zrugglüte.
Ja, det wird sich d'Nachtschwalbe niederlah und en Ruehort finde.
15 Det wird d Pfilschlang nüsse und Eier lege,
Si usbrüetet und de Brut i ihrem Schatte zämebringe.
Ja, det werded sich d'Weihe zämetue, jede mit ihrem Partner.
16 Forscht nach im Buech Jehovas und lest drus vor:
Keis vo ihne wird fähle.
Keis vo ihne wird ohni Partner si.
Denn us em Muul Jehovas chunt de Befehl,
und es isch sin Geischt, wo sie zämmebrocht het.
17 Er isch es wo für sie s Los gworfe het,
und sini eigeni Hand hät de für si bestimmte Ort vermässe.
Si werded en für all Ziite bsitze.
Si werded alli Generatione durre wohne det.