Jesaia 25 vo 66

Jesaia 25 vo 66

25:1 O Jehova, du bisch min Gott.

Ich rüehme di, ich priise din Name,

will du Wunderbares gmacht hesch,

das wo scho sit alter Ziit beschlosse isch

in Treue, in Zuverlässigkeit.

 2 Denn du hesch e Stadt zumene Steihuufe gmacht,

e befestigti Stadt z zerbröckelndi Trümmere.

De Turm vom Fremde isch kei Stadt meh.

Er wird nie wieder ufbaut werde.

 3 Darum wird dich es starchs Volk verherrliche.

D Stadt vo de tyrannische Natione wird dich fürchte.

 4 Denn du bisch für de Hilflose e Festig worde,

e Feschtig für de Arme i sinere Not,

en Schutz vorem Wulchebruch,

en Schatte vor de Hitz.

Wänn s Schnuube vo de Tyranne wie heftige Rege isch wo gäg e Muur prasslet,

 5 wie d Hitz imene vertrocknete Land,

ersticksch de Ufruhr vo de Fremde.

Wie die Hitz, wo dur de Schatte vonere Wolke dämpft wird,

so wird das Lied vo de Tyranne erstickt.

 6 Uf dem Berg wird Jehova, de Herr vo de Heere, für alli Völker

es Feschtmahl mit köstliche Gricht verastalte,

es Feschtmahl mit edlem Wy,

mit köstliche Gricht, reich an Mark,

mit edlem, gfiltertem Wy.

 7 Uf dem Berg wird er s'Tuech entferne wo alli Völker umhüllt,

die gwobeni Decki wo über allne Natione liit.

 8 Er wird de Tod für immer besitige,

und de höchst Herr Jehova wird d Träne vo allne Gsichter abwüsche.

D Schand vo sim Volk wird er vo de ganze Erde wägnäh,

dänn Jehova sälber hät gredt.

 9 A dem Tag wird mer säge:

"Gseh! Das isch euse Gott!

Mer hend uf ihn ghofft

und er wird euis rette.

Das isch Jehova!

Mer hend uf ihn ghofft.

Lönd ois fröhlich sii und juble über die Rettig wo vo ihm chunnt."

10 Denn d Hand Jehovas wird uf dem Berg rueh

und Mọab wird a sim eigene ort vertramplet werde

wie Stroh im Misthuufe.

11 Er wird mit de Händ ineschlage,

wie en Schwümmer bim Schwümme.

Mit gschickte Handbewegige

wird er Mọab Überheblichkeit stürze.

12 Und die befestigti Stadt mit ihrne höche, sichere Muure

wird er niederriisse.

Er wird sie zu Bode stürze, zmitzt in Staub.