Jesaia 24 vo 66
- von Rico Loosli 6934 Bioggio
-
Zugriffe: 271
Jesaia 24 vo 66
24:1 Gseht! Jehova macht das Landa leer und öde.
Er stellts uf de Chopf und zerstreut d Bewohner.
2 Alle wirds glich ergah:
em Volk und em Prieschter,
em Diener und sim Herr,
de Dienerin und ihrer Herrin,
em Chäufer und em Verchäufer,
em Verleiher und em Leihende,
em Gläubiger und em Schuldner.
3 Das Land wird völlig leer gmacht,
es wird völlig usplünderet,
denn jehova het die wort gredt.
4 Das Land trauert, es verfallt zusehends.
S fruchtbari Land vertrocknet, es verschwindet.
D Agsehne vom Land vergönd.
5 Das Land isch vo sine Bewohner verunreinigt worde,
Denn sie hän de Gsetz umgange,
d'Vorschrifte gänderet
und de duurhafte bund broche.
6 Drum frisst de Fluech s Land uuf,
und die drin wohned werded für schuldig befunde.
Darum het d Zahl vo de Bewohner vom Land abgnoh
und es sind nur na sehr wenig Mensche übrig.
7 De neu Wy trauert, de Wyschtock verwelkt,
und alli wo froh Herzens sind gsi süüfze.
8 Die Tamburine freued sich nümm,
de Lärm vo de Fiirende hät uufghört,
de fröhlichi Klang vo de Harfe isch verstummt.
9 Ohni Gsang trinkeds Wy,
de Alkohol schmöckt de Trinkende bitter.
10 Die verödeti Stadt ligt in Trümmere.
Jedes Huus isch verschlosse, keine chunnt ine.
11 Uf de Strosse schreit mer nach Wy.
Alli Fröhlichkeit isch verschwunde,
mit de Fröid vom Land isch es verbi.
12 Die Stadt ligt in Trümmere.
S Tor isch zerstört, nur no en Huufe Schutt.
13 Denn so wirds im Land sii unter de Völker:
Wie wänn en Olivebaum abklopft wird,
wie bi de Nachläse, wänn d Wyernti z End gaht.
14 Si werded iri Stimm erhebe,
sie werded juble.
Vom Meer us werded s'Majestät Jehovas verchünde.
15 Und sie werded Jehova i de Gegend vom Liecht verherrliche.
Uf de Insle vum Meer werde sie de Name Johvas, vum Gott Israels, vuherrliche.
16 Vo de Endi vo de Erde ghöred mer Lieder:
"Herrlichkeit dem grächte Gott!"
Doch i säg: "Ich gang zgrund, ich gang zgrund!
Wehe mer! Die Treulose hend treulos ghandlet.
In ihrer Treulosigkeit hend die Treulosen treulos ghandlet."
17 Schrecke, Gruebe und Falle erwartet dich, du Bewohner vom Land.
18 Wer vorem Lärm vom Schrecke flieht wird in Gruebe falle,
und wer us de Grube usechunnt wird i d Falle grate.
Denn die Schlüüse hoch obe werde sich öffne
und d Fundament vom Land werded geh.
19 Das Land isch zerborsten,
s Land isch duregschüttlet worde,
das Land windet sich in Chrämpfe.
20 Das Land torklet wie en Betrunker
und schwanket hin und her wie e Hütte im Wind.
Sini überträtig lastet schwer uf em,
und es wird gheie ohni wieder ufzstah.
21 A dem Tag wird Jehova sini Ufmerksamkeit em Heer i de Höchi z'wende
un de Kenig vu d Erde uf d Erde.
22 Si werded zämetribe
wie Gfangene in eine Grube
und im Kerker igsperrt.
Und nach vielne Täg wird d Ufmerksamkeit uf sie grichtet.
23 De Vollmond isch verlege
und die strahlendi Sunne schämt sich,
Denn Johva, dr Herr vum Heere, isch Kenig wore uf fem Berg Zion un in Jerusalem,
voller Pracht vor de Ältiste vo sim Volk.