Hebräer 10 vo 13

Hebräer 10 vo 13

10:1 Das Gsetz isch nur en Schatte vo de künftige guete Sache, nöd aber d Würklichkeit selber. Drum chans niemals dur die gliche Opfer, wo Jahr für Jahr immer wieder darbracht werde, die vollkomme mache wo vor Gott tretet.

2 Hätt mer susch nöd ufghört Opfer darzbringe, will sich die wo heilige Dienst verrichtet händ, kei Sünde meh bewusst gsi wäred nachdem sie mal greinigt worde wäred?

3 Im Gegeteil! Dur die Opfer wird Jahr für Jahr an Sünde erinneret,

4 da s Bluet vo Stier und Geissböck unmöglich Sünde chan wegneh.

5 Daher seit er bi sim Itritt i d'Welt: Opfer und Gabe hesch nöd welle, aber hesch en Körper für mich gmacht.

6 Ganzbrandopfer und Sündopfer händ kei Anerkennig bi dir gfunde.

 7 Do hani gseit: 'Sieh nur! Ich bi cho i de Buechrolle isch vo mir z lese zum din Wille uszfüehre, o Gott.

8 Nachdem er zersch gseit het: "Opfer und Gabe und Ganzbrandopfer und Sündopfer hesch nöd welle Annerkennig bi dir Opfer gfunde wo nachem Gsetz darbracht werdet ,

9 seit er wiiter: "Sieh nur! Ich bin cho, um din Wille uszfüehre. Er besitigt s'Erste, zum s'Zweite in Chraft z'setze.

10 Gmäss dem "Wille" sind mir dur s Opfer vom Körper Jesus Christi i für alli Mal gheiligt worde.

11 Au nimmt jede Priester Tag für Tag sin Platz i zum heilige Dienst ztue und die gliiche Opfer immer wieder darzbringe Opfer wo Sünde niemals chönd vollständig wegneh.

12 De Maa hät jedoch für alli Ziite es einzigs Opfer für Sünde darbrocht und sich a die rechti Site Gottes gsetzt.

13 Sitdem wartet er, bis sini Find als Schemel für sini Füess anegleit werded.

14 Denn er het durch es einzigs Opfer die, wo gheiligt wäre, fir alli Ziite vollkomme gmacht.

15 Das bezügt ois au de heiligi Geischt, denn nachdem er gseit het:

16 "Das isch de Bund woni nach dene Täg mit ihne schlüsse wirde", seit Jehova. 'Ich werde mini Gsetz in ihres Herz lege und ich wird sie in ihre Sinn schriebe,

17 seit er au: "Ihri Sünde und gsetzlose Tate werde ich mir nüme in Erinnerig rüefe.

18 Wo s jetzt Vergebig vo de Sünde git isch keis Opfer meh nötig.

19 Mer chönd also dur s Bluet Jesus muetig de heilig Ort beträte, Brüeder, uf em Weg,

20, won er eus dur de Vorhangs das heisst sin Körper – als neue Wäg zum Läbe eröffnet het.

21 Und mir händ en grosse Prieschter, wo über s Huus Gottes gsetzt worde isch.

22 Drum wämmer eus mit ufrichtigem Herze und voller Vertraue nöcher, nachdem ja euses Herz dur Besprängig vomene schlechte Gwüsse grinigt und euse Körper mit reinem Wasser gwäsche worde isch.

23 Lönd eus a de öffentliche Erklärig vo eusere Hoffnig unerschütterlich festhalte, will de wo s Verspräche gäh het isch treu.

24 Au lönd eus ufenand achte und eus gegesiitig zu de Liebi und zu guete Tate aasporniere.

25i und gäbemer euses zämekomme nöd uf wie mängi sich agwöhnt hend, sondern machedmer eus gegesiitig Mutz und das umso meh, je nöcher ihr de Tag ane gsehnd.

26 Denn wemmer absichtlich Sünd triibed nachdem mer d Wohrheit genau erkennt hend, gits keis Opfer meh für Sünde.

27 Es bliibt aber e gwüssi angstvolli Erwartig vom Gricht und en glühende Zorn, wo alli verzehre wird, wo sich gege Gott stelle.

28 Wer s Gsetz vo Moses missachtet het wird uf d Züügnussag vo zwei oder drü Persone ane ohni Erbarme zu Tod bracht.

29 Eine wie viel strengeri Straf verdient dänn eurer Meinig nach öpper wo de Bueb Gottes mit Füess tritt und s Bluet vom Bundes, dur das er gheiligt worde isch, als öppis Gwöhnlichs betrachtet und de Geischt vo de unverdiente Güte verachtet und dadurch grob verletzt?

30 Mer känned ja dä wo gseit hät: "Es isch miini Sach, Rache z näh. Ich wirde Vergeltung üebe." Und au: Jehova wird über sis Volk es Urteil fälle.

31 Es isch öppis Furchtbars, em läbige Gott id Händ z gheie.

32 Denket doch a die früener Ziit nachdem ihr erlüchtet worde sind. Ihr hend damals en grosse Kampf mit viel Leid duregstande.

33 Mängisch sind ihr öffentlich Beleidigunge und Schwierigkeite uusgsetzt, mängisch hender dene zu de Site gstande, wo so öppis dure gmacht hend.

34 Ihr hend Mitgfühl für die zeigt wo im Gfängnis gsi sind und wemmer eu eue Bsitz weggnoo het, hend ihr das mit Fröid anegno, da ihr wüssed, dass ihr sälber öppis bessers bsitzed wo vo Duur isch.

35 Werft deshalb euri Muet nöd wäg, denn er wird sehr belohnt.

36 Ihr müend usharre, damit ihr de Wille Gottes usfüehre und dänn d'Erfüllig vum Versprech chönd erläbe.

37 Denn no "e ganz chlini Wiili" und "de Kommende wird iitreffe und nöd uf sich warte loh".

38 "Mein Gerechter aber wird wegen seinem Glaube leben", und "wenn er zrugweicht, habe ich kein Freud an ihm".

39 Mir ghärt nit zue däne, de zruckwiiche un vunichtet wäre, sundern zue däne, de Glaube hän un so ihr Läbä rette.