Daniel 12 vo 12
- von Rico Loosli 6934 Bioggio
-
Zugriffe: 482
Daniel 12 vo 12
12:1 Während dere Ziit wird Mịchael uufträtte, de grossi Fürst wo für dis Volk iitritt. Und es wird e schweri Ziit gäh, wie es sie sit de Entstehig vomene Volk bis zu dere Ziit no nie gäh het. Und während dere Ziit wird dis Volk entcho, jede wo im Buech verzeichnet isch.
2 Und vieli wo im Staub vo de Erde schlafed, werded ufwache: die einte zum ewige Läbe und die andere zur Schand und z ewiger Verachtig.
3 Und die wo Isicht hend werded so hell lüchte wie d Himmelsusdehnig, und die wo vieli zur Gerechtigkeit führed wie d Stern, für immer und ewig.
4 Und du Daniel, heb d Wort gheim und versiegle das Buech bis zur Zyt vom End. Viel werded uf d Suechi goh und die wahri Erkenntnis wird überströme."
5 Ich, Daniel, ha den no zwei anderi det gseh: De eint am einte Ufer und de ander am andere Ufer.
6 Denn het eine zu dem in Line gchleidete Maa, wo sich über em Wasser vom Fluss befunde het: "Wie lang wird's no duure, bis die grossartige Ereignis endet?"
7 Druf hani dä in Line gchleidete Maa ghört wo sich über em Wasser vom Fluss befunde hät. Er heb siini Rächt und siini linggi Hand zum Himmel erhobe und schwor bi däm, wo ewig läbt: "Es wird für e feschtgleiti Ziit, feschtgleiti Ziite und e halbi Ziit sy. Sobald s Zerschmetter vo de Chraft vom heilige Volk beändet isch, wird all das e Ändi neh."
8 Ich has ghört, has aber nöd chöne verstah. Also hani gseit "O min Herr, wie wird das alles usgoh?"
9 Do het er gseit: "Göh, Daniel, denn d Wort sölled gheim und versieglet bliibe bis zur Ziit vom End.
10 Viel werded sich reinige und sich wiis mache und glüüteret werded. Die Schlechte werded schlecht handle und keine vo ihne wird all das verstah. Doch die wo Iisicht hend werdets verstoh.
11 Und vo de Ziit ah wo s'beständige Opfer entfernt worde isch und de abscheulichi Verwüeschter ufgstellt worde isch, werdets 1290 Täg sii.
12 Glücklich isch, wer in Erwartig bliibt und wer die 1335 Täg erreicht!
13 Du aber, gang din Weg bis zum End. Du wirsch ruhe, aber du wirsch ufstah zum dis Los erhalte, am Endi vo de Tag."