2.Timotheus 3 vo 4

2.Timotheus 3 vo 4

3:1 Das aber sellsch du wüsse: I de letschte Täg werdet kritischi Ziite herrsche wo mer schwer fertig wird.

2 Denn d Mensche werded sich selber und s Geld liebe. Sie werded ageberisch und überheblich si, über Gott und Mensche läschtere, nöd uf d Eltere ghöre, undankbar sii und nöd loyal.

3 Si werded lieblos sii, nöd kompromissbereit, verleumderisch, unbeherrscht und brutal und werded s Guet nöd liebe.

4 Si werded Verräter sii, eigensinnig, ufblase vor Stolz und werded s Vergnüege liebe statt Gott.

5 Noch usse here wirds so usgseh als hetteds Gottesfurcht aber d Chraft dehinter zeigt sich i ihrem Läbe nöd. Vo so Mensche wänd dich ab.

6 Us ihrne Reihe werded Männer ufträtte, wo sich raffiniert Zuegang zu Hüser verschaffe und schwachi Fraue gfange näh, wo mit Sünde belade sind und vo allne mögliche Wünsch triibe werded,

7 wo immerz lerne, aber nie zu ere genaue Erkenntnis chönnd vo de Wahrheit cho.

8 So wie sich Jạnes und Jạmbres gege Moses gstellt hend, so stelled au sie sich ständig gege d Wahrheit. So Mensche sind i ihrem Denke völlig verdorbe und hend sich im Glaube nöd bewährt.

9 Doch sie werded nöd wiiter cho, will wie bi de beide Manne wird ihri Dummheit für alli ganz offesichtlich sii.

10 Du aber bisch minere Lehr genau gfolgt, mim Läbenswandel, mim Ziel, mim Glaube, minere Geduld, minere Liebi, mim Usharre,

11 und du weisch vo de Verfolgige und Leide, wo ich in Antiọchia, Ikọnion und Lỵstrag duregmacht han. Ich han die Verfolgige erträge und de Herr het mich us ihne allne befreit.

12 Tatsächlich werded alli, wo mit Christus Jesus verbunde sind und in Gotttergebenheit lebe wänd, au verfolgt werde.

13 Doch schlächti Mensche und Betrüger werdeds immer schlimmer triibe. Sie werded irreführe und irregeführt werde.

14 Dü aba, blieb bi däm, was dü glernt hesch un z Glaube überzügt worde bisch. Du weisch jo, vu wem dü’s glernt hesch,

15 und du kennsch sit früenerem Chindheit die heilige Schrifte, wo dir die nötig Wisheit geh chönd, um durch de Glaube an Christus Jesus grettet z werde.

16 Die ganz heiligi Schrift isch vo Gott iigäh und nützlich zum Lehrä, zum Richtigschtelle, zur Erziehig i de Gerechtigkeit,

17 damit de Mensch Gottes völlig geignet und für jedes guete Werk vollständig usgrüschtet isch.