2.Moses 5 vo 40

2.Moses 5 vo 40

5:1 Nochane sind Moses und de Aron zum Pharao inne gange und hend em teilet: "Das sagt Jehova, de Gott Israels: 'Lah min Volk gah, damits in de Wildnis es Fäscht für mich chan fiire.'"

2 Aber de Pharao erwideret: "Wer isch Jehova, dass ich uf sini Schtimm ghöre und Israel goh sött? Ich kenn Jehova nöd und usserdem wird ich Israel nöd gah lah."

3 Doch sie händ gseid: "Der Gott der Hebräer het Kontakt mit eus ufgnoh. Mer möchted bitte drü Tagereise wiit id Wildnis gah und Jehova, eusem Gott, opfere, suscht wird er eus mit Chrankheit oder mitm Schwert bestrafe."

4 De König vo Ägypte entgägnet ihne: "Moses und Aaron, warum hebed ihr s Volk vo de Arbet ab? Gönd zrugg a eui Arbet!"

5 Wiiter het de Pharao gseit: "Gseht, wie viel Lüt da im Land sind! Und ihr wend, dass sie ihri Arbet unterbreche?"

6 No am gliche Tag befahl vo de Pharao de Arbeits-Triiber und ihrne Vorarbeiter:

7 "Gäbet de Lüt keis Stroh meh zum Herstelle vo Ziegel. Sie sölled selber gah und Stroh sammle.

8 Verlangt aber vo ihne die glich Mängi Ziegel wie vorher. Setzt d mengi nöd abe denn d lüt sind fuul. Deswege schreie sie: 'Mir wend goh, mir wend eusem Gott opfere!'

9 Lönd sie schwererer schaffe, und haltet sie beschäftigt, damit sie ned uf lüge höred."

10 Da sind d'Arbetsantriiber und ihri Vorarbeiter zum Volk gange und gsäit händ: "Der Pharao laht eu mitteile: 'Ich gib eu kei Stroh meh.

11 Gaht und sammlet sälber Stroh wo ihr weles findet. Aber ihr müend uf jede Fall die glich Mengi Ziegel abliifere.'"

12 Druf het sich s Volk i ganz Ägypte verteilt und sammleti Stopple zum Stroh ha.

13 Die Arbeits-Arbetriiber hän sie ständig drängt: "Jede vo euch muess jede Tag so viel schaffe wie früener, woner no Stroh becho händ!"

14 Usserdem sind die Israelitische Vorarbeiter wo vo de Arbeitsantreiber vom Pharao igsetzt worde sind, gschlage worde. Mer het sie gfrögt: "Warum hend ihr nöd die vorgschribni Mängi Ziegel gmacht wie bisher? Das isch scho gester so gsi und hüt wieder!"

15 Da sind die Israelitische Vorarbeiter zum Pharao inne gange und hend sich beklagt: "Warum behandlisch dini Diener so?

16 Dini Diener bechömed kein Stroh meh, und trotzdem verlangt mer: 'Macht Ziegel!' Dini Diener werded gschlage, aber dini eigene Lüüt sind schuld."

17 Er het erwideret: "Ihr sind fuul! Fuul sind ihr! Deswege seit ihr: 'Mir wend goh, mir wend Jehova opfere.'

18 Gaht jetzt! Zrugg ad Arbet! Ihr bechömed kein Stroh, aber ihr müend trotzdem die gliich Ziegelmänge herstelle."

19 Da hend die Israelitische Vorarbeiter gmerkt, dass sie i ernste Schwierigkeite gsi sind, will mer befohle gha het: "Ihr dörfed die tägliche Mängi a Ziegel uf kein Fall herabsetze."

20 Wo sie vom Pharao usecho sind, händ sie Moses und Aron troffe, wo das gstande händ und uf sie warted.

21 Sie hend sich bi ihne beklagt: "Jehova söll eu gseh und eues Richter sind. Ihr hend euis bim Pharao und sinene Diener in Verruef bracht, und ihr hend ihne es Schwert i d'Hand gäh zum eus umbringe."

22 Moses wandlet sich dänn an Jehova und hät gseit: "Jehova, warum tuesch Du däm Volk so öppis a? Warum häsch du mich gschickt?

23 Sitdem ich zum Pharao inegange bi, um i dim Name mit ihm z rede, behandlet er s Volk no schlechter, und du hesch dis Volk keineswegs befreit."