2.Moses 12 vo 40

2.Moses 12 vo 40

12:1 Jehova het jetzt zu Moses und Aaron in Ägypte gseit:

2 "De Monet söll für eu de ersti sii. Mit ihm söll das Jahr afange.

3 Teilt de ganze Gmeind Israel mit: 'Am 10. Tag das Monet söll sich jede es Lamm für sini Familie neh, es Lamm für e Huusgmeinschaft.

4 Wänn d Huusgmeinschaft aber fürs Lamm z chlii isch, söll sies mit ihrem nächste Nachbare i ihrem Huus teile, je nach Azahl vo de Persone. Berücksichtigt bim Berächne vo de Mengi wie viel jede vom Lamm esse wird.

5 S Lamm muen fehlerlos, männlich und es Jahr alt sii. Ihr chönds under de Schoof oder de Geiss ussueche.

6 Versorgt's bis zum 14. Tag das Monet. Denn söll die ganz Versammlig vo de Gmeind Israel es i de Abigdämmerig schlachte.

7 Sie sölled öpis vom Bluet näh unds uf die beide Türpföste und obe a de Türrahme vo de Hüüser sprütze, wo sie s Lamm ässed.

8 Si sölled s Fleisch i dere Nacht ässe. Es söll über em Füür brate und mit ungsäuertem Brot und bitte Chrüüter gässe werde.

9 Esst nünt devo roh oder in Wasser kocht, sondern bratets über em Füür – de Chopf zäme mit de Unterschenkle und de Innereie.

10 Ihr dörfed nüt devo bis zum Morge ufhebe. Was am Morge no übrig isch, sölled ihr verbränne.

11 So sölled ihrs ässe: mit feschtzogenem Gürtel, mit Sandale a de Füess und mit eurem Stab i de Hand. Esst es in aller Eile! Es isch s Passah Jehovas.

12 Ich wird nämlich i dere Nacht dur Ägypte gah und det jede Erstgeborene töte – ob Mensch oder Tier. Ich wird a allne Götter Ägypte mis Urteil vollstrecke. Ich bin Jehova.

13 Das Bluet söll es Zeiche a de Hüüser sii wo ihr sind. Ich wirde s Bluet gseh und a äich verbiigah, und d Plag wird äich nit träffe, wenn i Ägypte bestrafe.

14 Dä Tag söll für eu än Gedänktag sii und ihr söllet en als Fäscht für Jehova fiire. Ihr sollt en in allne eure Generatione fiire. Die Aordnig gilt uf Duur.

15 siebä Täg sollt ihr ungsäuerts Brot ässä. Ja, am erste Tag sötted ihr de Sauerteig us eune Hüser wegschaffe. Wenn nämlich öpper vom erste bis zum 7. Tag öppis mit Suurteig isst, muss er us Israel entfernt werde.

16 Am erste und am 7. Tag sölled ihr e heiligi Versammlig abhalte. A dene Täg söll niemer schaffe. Nur was jede zum Esse brucht, dörf zuebereitet werde.

17 Ihr sollt das Fest vo de ungsäuerte Brot fiire, denn a dem Tag werdi eui Schar us Ägypte usefüehre. Fiiret den Tag in allne eure Generatione. Die Anordnig gilt uf Duur.

18 Vom Abig vom 14. bis zum Abig vom 21. Tag im erste Monet sötted ihr ungsäuerts Brot esse.

19 Siebä Täg döf kei Suurteig i eune Hüser z finde, denn wer öppis mit Suurteig isst – öb Fremde oder gebürtige Israelit wo söll us de Gmeind Israel entfernt werde.

20 Ihr dörfed nüt ässe wo Suurteig enthaltet. I allne Hüüser sötted ihr ungsäuerts Brot esse.'"

21 Sofort het Moses alli Ältiste Israels gruefe und het zu ihne gseit: "Goht suecht für jedi eurer Familie jungi Tier us und schlachtet s Passahopfer.

22 Taucht dänn en Büschel Ysop is Bluet wo ihr inere Schüssel ufgfange händ, und bestricht demit de ober Teil vom Türrahme und die beide Türpfoschte. Niemert vo euch dörf bis am Morge s Huus verlah.

23 Wänn Jehova dänn durs Land gaht zum d'Plage über d'Ägypter bringe, und s'Bluet am obere Teil vom Türrahme und a de beide Türpfoschte gseht, wird Jehova ganz sicher am Iigang verbi gah. Er wird nöd zuelah, dass die todbringendi Plage in eui Hüüser dringt.

24 Haltet eu a die Vorschrift. Sie giltet uf Duur für eu und eui Söhn.

25 Wen ihr in das Land chömmet wo Jehova eu wie versproche wird geh, sötet ihr die Fiir begah.

26 Und wenn eui Söhn fraged: 'Was bedütet die Fiir für eu?',

27 den antwortet ihne: 'Es isch das Passahopfer für Jehova, wo a de Hüüser vo Israelite in Ägypte verbiigange isch, won er die Plag über die Ägypter bracht het, aber eusi Hüüser verschonte het. Da het sich s Volk tüüf verbüüte und gworfe.

28 Druf sind Israelite weggange und hend alles so gmacht wie Jehova es Moses und Aron uftreit het. Genau so hends es gmacht.

29 Um Mitternacht hät Jehova dänn jede Erschtgeborene in Ägypte umbracht: vom Erschtgeborene vom Pharao, wo uf sim Thron hockt, bis zum Erschtgeborene vom Häftling im Gfängnis, au alli Erschtgeborene vo de Tier.

30 In däre Nacht isch dä Pharao ufgstande und au alli sini Diener und alli andere Ägypter, und under de Ägypter bricht es grosses Gschrei us, denn es het keis Huus geh wo nöd öpper gstorbe isch.

31 Sofort het er Moses und de Aaron i de Nacht zu sich gredt und gseit: "Los, zieht weg vo mim Volk – ihr und die andere Israelite. Gaht und dient Jehova, so wie ihrs gseit händ.

32 Nähmed au eui Viehherde mit und gaht – so wie ihrs gseit händ. Aber ihr müend mich au sege."

33 Die Ägypter hän denn s Volk drängt, das Land schnell zverlah. "Susch simmer alli so guet wie tot!", händs gseit. 34 Da het s Volk de Mehlteig na ungsührt mitgnoh. Si händ d Backtröög i iri Chleidig gwicklet uf de Schultere treit.

35 Au hend Israelite d'Aawiisig vo Moses befolgt und hend d'Ägypter um Gegeständ us Silber und Gold und um Chleider brotet.

36 Jehova hät defür gsorgt, dass s Volk d Gunst vo de Ägypter gwunne hät, sodass die ihne gä händ, worum sie bätte. So händs die Ägypter uus plünderet.

37 Die Israeliten bringen dann von Rạmses in Richtig Sụkoth auf. Es sind 600'000 Männer zu Fuess gsi - die Kinder nicht mitzellt.

38 Au viel Mischvolk mit ihne zoge und sie händ Chli- und Grossviehärde debi gha, e grossi Mängi Vieh.

39 Sie hend us em Teig bachte, wo sie us Ägypte mitbrocht hend, ungsäuerti Fladebrot. De Teig isch ungsüürt gsi, denn sie sind so plötzlich us Ägypte vertribe worde, dass sie kein Proviant hend chönne vorbereite.

40 De Ufenthalt vo de Israelite, wo in Ägypte glebt hend, het 430 Jahr duuret.

41 Uf de Tag genau nach 430 Jahr sind alli Schare Jehovas us Ägypte wegzoge.

42 Es isch e Nacht wo si sölled fiire, dass Jehova sie us Ägypte befreit hed. Das ganze Volk Israel söll die Nacht dur alli Generatione dur ehre Jehovas fiire.

43 Jehova het jetzt zu Moses und Aaron gseit: "Für das Passah gilt folgende Bestimmung: Kein Ausländer dörf davo esse.

44 Falls aber öpper eine mit Geld kauft het Sklave, söll er ihn erst beschnide. Dänn dörf er mitesse.

45 Ansiedler und Lohnarbeiter dörfed nöd devo ässe.

46 Jedes Lamm söll imene einzige Huus gässe werde. Ihr dörfed nüt vo dem Fleisch usem Huus usebringe und ihr dörfed kein vo sinere Chnoche verbräche.

47 Die ganz Gmeind Israel söll s Passah fiire.

48 Falls en Fremde bi dir asässig isch und s'Passah für Jehova möcht fiire, müend alli männliche Persone i sinere Huusgmeinschaft beschnitte werde. Dänn dörf er dezue cho und es fiire. Er isch dänn wie en gebürtige Israelit. Wer nöd beschnitte isch, dörf aber nöd devo ässe.

49 Für de Iheimische und de Fremde, wo bi eu asässig isch, söll eis und s gliiche Gsetz gälte.

50 Die Israelite hend alles genau so gmacht wie Jehova es Moses und Aron uftreit het. Genau so hendses gmacht.

51 An ebendigem Tag hät Jehova d Israelite mit ihrne Schar us Ägypte use gführt.