1.Timotheus 2 vo 6

1.Timotheus 2 vo 6

2:1 Vor allem bitte ich jetzt dringend das im Hiblick uf Mensche vo allne Art Flehe, Gebete, Fürbitte und Dank darbracht werdet,

2 au im Hiblick uf Könige und alli wo e höchi Position hend, demit mer wiiter i völlige Gottergäbeheit und Ernsthaftigkeit es ruhigs und stilles Läbe chönd füehre.

3 Das isch guet und gfallt Gott, euse Retter.

4 Si Wille isch, dass Mensche vo allne Art grettet werded und zunere genaue Erkenntnis vo de Wahrheit chömed.

5 Denn es git nur ein Gott und nur ein Vermittler zwüschet Gott und Mensch, ein Mensch, Christus Jesus,

6 wo sis Läbe als entsprechends Lösegäld für alli gäh het – das söll zur gältene Ziit bezügt werde.

7 Zum das bezüge bini zum Prediger und Aposchtel igsetzt worde – ich säg d Wohrheit, ich lüge nöd – zum Lehrer vo anderne Völker in Bezug uf Glaube und Wahrheit.

8 Ich möcht also, dass die Manne überall wiiter bätte und debi ihri Händ in Loyalität erhebed, ohni Wuet und Striitgspröch.

9 Au sölled sich d Fraue agmesse kleidet und sich mit Bescheideheit und guetem Urteilsvermöge schmücke, nöd mit kunstvoll gflochteete Hoor und mit Gold oder Perle oder sehr tüürer Chleidig,

10 sondern so, wies für Fraue abrocht isch, wo sich dezue bekenned, Gott z verehre, nämlich durch gueti Werk.

11 E Frau söll in Still und in aller Unterordnig lerne.

12 Ich erlaube anere Frau nöd, z lehre oder Autorität über en Maa uszüebe. Sie söll sich still verhalte.

13 Denn de Adam isch zerscht bildet worde und dänn Eva.

14 Au isch de Adam nöd betroge worde, aber d Frau isch gründlich betroge worde und übertroffe worde und Gottes Gebot.

15 Doch dadurch, dass sie Chind zu de Wält bringt, wird sie in Sicherheit bliibe, vorusgsetzt, sie bliibt im Glaube und i de Liebi und i de Heiligkeit mit guetem Urteilsvermöge.