1.Timotheus 1 vo 6

DE ERST BRIEF A TIMOTHEUS

1.Timotheus 1 vo 6

1:1 Paulus, en Aposchtel vom Christus Jesus uf Aordnig vo Gott, eusem Retter, und de Christus Jesus, wo eusi Hoffnig isch,

2 an Timọtheus, es ächts Chind im Glaube: Ich wünsch dir unverdienti Güte und Barmherzigkeit und Friede vo Gott, em Vater, und Christus Jesus, eusem Herr.

3 Woni uf Mazedọnie ufbroche han ich dich ermuetigt, in Ẹphesus z bliebe. Das tuen ich jetzt wieder, damit du gwüssi Lüüt awändisch, kei anderi Lehr zlehre

4 no unwahre Gschichte und Abstammigsverzeichnis Ufmerksamkeit zschänke. So öppis füehrt zu nüt nützlichem. Es laht nur Spekulatione ufcho, statt öppis vo Gott biiträge wo mit Glaube in Verbindig staht.

5 Das Ziel vo dem Uftrag isch Liebi us reinem Herze und guetem Gwüsse und unghücheltem Glaube.

6 Einigi sind devo abgwiche und hend sich sinnlosem Gerede zuegwandt.

7 Sie wönd Gsetzeslehrer sii, verstönd aber weder das wo sie säged, no das wo sie so nachdrücklich bestönd.

8 Jetzt wüssemer, dass das Gsetz guet isch, sofern mers richtig awendet

9 und anerkennt, dass Gsetz nöd für Grechti Mänsche gmacht sind, sondern für Gsetzlosi und Rebelle, für Gottlosi und Sinda, für Untreui und Unheiligi, für die, wo ihre Vater, ihri Muetter oder anderi umbringe,

10 für Mänsche wo sexuell unmoralisch handled, für Männer wo Homosexualität praktiziered, für Entführer, Lügner, falsch Schwörendi und alles wo suscht de gsunde Lehr entgägestaht,

11 eine Lehr, wo de herrliche guete Botschaft vom glückliche Gott entspricht, wo mir avertrut worde isch.

12 Ich bin de Christus Jesus, eusem Herr, wo mir Kraft gäh het, dankbar, will er mich als treu agseh het und mir e Dienstufgab zuegwiese het,

13 obwohl ich frühner en Läschterer und en Verfolger und en unverschämte Mensch gsi bin. Doch mir isch Barmherzigkeit erwiese worde will ich in Unwüsseheit und im Unglaube handle han.

14 Die unverdiente Güte vo üsem Herrn isch usserordentlich überströmend gsi zäme mit Glaube und mit de Liebi, de in Chrischtus Jesus isch.

15 Folgendi Ussag isch vertrauenswürdig und verdients, voll und ganz agnoh zwerde: De Christus Jesus isch id Welt cho zum Sünder rette. Unter dene stahni a ersti Stell.

16 Trotzdem isch mir Barmherzigkeit erwiese worde, damit de Christus Jesus bsunders dur mich sini ganzi Geduld chönt zeige. So het er mich zumene Bispiel für die gmacht, wo ihre Glaube uf ihn stütze werded zum ewig läbe.

17 De Kenig vo de Ewigkeit jetzt, de unvergänglich, unsichtbari, alleinigi Gott, söll für immer und ewig geehrt und verherrlicht werde. Amen.

18 Dieser Uftrag vertrau ich dir a, mein Kind Timọtheus, in Übereinstimmung mit den Prophezeiungen, die über dich gemacht wurden, damit du die den gut Kampf fortsetzt

19 und debii de Glaube und es guets Gwüsse bewahrsch. Das händ einigi verdrängt und dadurch i ihrem Glaube Schiffbruch erlitte.

20 Zu ihne ghört Hymenạ̈us und Alexander. Ich ha sie de Satan übergeh, damit sie dur Erziehig glehrt werdet, nöd z'lästere.