1.Thessalonische 4 vo 5

1.Thessalonicher 4 vo 5

4:1 No öppis, Brüeder. Ihr händ vu euis Awiesige übercho, wie ihr läbe sölled zum Gott gfalle. Und ihr tüend das au scho. Doch mir bitte äich und appelliere an äich im Name vum Herrn Jesus, witer Fortschritt z mache.

 2 Ihr kenned ja die Awisige wo mir eu dur de Herr Jesus gäh händ.

3 Gott will nämlich das ihr heilig sind und eu vo sexuelle Unmoral fernhaltet.

4 Jede vo euch sött wüsse wie er sin Körper in Heiligkeit und Ehre im Griff cha ha.

5 Gänd eu nöd gieriger, hemmigslose sexuelle Liideschaft ane, wies d Völker händ wo Gott nöd kenned.

6 Niemer söll d Gränze vom Astand überschriite und sim Brüeder i dere Aaglägeheit schade, denn Jehova vollzieht für all das d Straf. Mir hend eu das vorher scho gseit und eu au nachdrücklich gwarnt.

7 Denn Gott het eus nöd zur Unreinheit sondern zur Heiligkeit bruefe.

8 Wer das missachtet, missachtet also nit Mensche, sundern Gott, der äich si heilige Geischt git.

9 Was d Brüederliebi betrifft, bruchemer eu allerdings nüt zschriebe, denn ihr sind ja sälber vu Gott glehrt worde, enand zliebe.

10 Und tatsächlich tüend ihr das gegenüber allne Brüedere in ganz Mazedọnie. Doch mer bitte dringend, Brüeder, es wiiter in no grösserem Mass ztue.

11 Setzed eu zum Ziel, es ruhigs Läbä z füehre und eu um eui eigene Aglägeheite z kümmere und mit eune Händ z schaffe, so wie mir eu agwiese händ, 12 demit ihr vor Ussestehende en aständige Läbenswandel füehrt und nüt benötigt.

13 Usserdem möchted mir, Brüedere, dass ihr über die Bescheid wüssed, wo im Tod schlafed, damit ihr nöd truurig sind wie die übrige Mänsche wo kei Hoffnig hend.

14 Denn wenn mer dra glaubed, dass Jesus gstorbe und uferstande isch, denn wird Gott au die, wo in Gmeinschaft mit Jesus gstorbe sind, mit ihm bringed.

15 Denn des sage ma äich uf dr Grundlag vum Jehovas Wort: Mir, de Läbä, de bis zue d Gegwart vum Herrn am Läbä bliebe, wäre däne, de im Dod schlofe, nigswägs zvorkumme.

16 Denn dr Herr selbscht wird mit nem luute Befehl, mit dr Schtimm vumene Erzegel un mit dr Trompete Gottes vum Himmel herabkumme, un de in Gmeinschaft mit Chrischtus Vuschtorbene wäre zerscht ufschtoh.

17 Danach werded mer, die Läbige, wo überläbed, mit ihne zäme in Wulche entruckt werded, zum em Herr i de Luft z begägne. So werded mer immer bim Herr sii.

18 Tröstet eu also gegesiitig wiiter mit dene Wort.