1.Thessalonische 3 vo 5

1.Thessalonicher 3 vo 5

3:1 Wo mers daher nöd länger hend chöne erträge, hemmers fürs Beste ghalte, ellei in Athena zbliibe.

2 Mir händ de Timọtheus, euse Brüeder und Gottes Diener für die gueti Botschaft über de Christus, zum eu im Glaube z feschtige und z tröschte,

3 damit niemert dur die Schwierigkeite erschütteret wird. Denn ihr selber wüssed, dass mir so leide nöd chönd vermiide.

4 Wo mir bi eu gsi sind hemmer eu ja im Vorus immer wieder gseit das mir Schwierigkeite müend duremache und wie ihr wüssed isch es au so cho.

5 Drum han ich, wo ich es nüme han chönne erträge, ihn zu Euch gschickt, um vo eure Treui z'erfahre. De Versucher hetted eu ja irgendwie chöne versueche und eusi harti Arbet wär vergeblich gsi.

6 Timọtheus isch aber grad jetzt vo eu zrugg cho und het eus die gueti Nachricht bracht, dass ihr treu sind und Liebi hend, dass ihr eus wiiter stets in gueter Erinnerig bhaltet und eu genauso wie mir nacheme Wiederseh sehned.

7 Drum, Brüedere, simmer in allne unsere Sorge und Schwierigkeite durch äich und de Treu, de ihr zeiged, tröschtet worde sin.

8 Denn wenn ihr im Herrn standhaft sind, werded mir neu belebt.

9 Wie chönd mir oisem Gott als Erwiderig für die grossi Fröid, wo mir Euretwegge vor ihm empfindet, nur euse Dank für eu zeiget?

10 Mir flehnd Tag und Nacht, so idringlich mir chönd, dass mir eu persönlich gsehnd und zu euem Glaube das hinzfüge chönd, was na fehlt.

11 Mir bitte, dass euse Gott und Vater sälber und üse Herr Jesus eus de Wäg zu eu frei mached.

12 Meg vu d Herrn üsserdem äiri Lebi zueänanda un alli gressa, ja ibaschtrömend wäre losse, so we unsri Lebi zue äich ibaschtrömt,

13 damit er eui Herze chan feschtige, sodass sie tadellos und heilig sind vor eusem Gott und Vater bi de gegewart vo eusem Herr Jesus mit allne sine Heilige.