1.Samuel 13 vo 31

1.Samuel 13 vo 31

13 Saul isch … Jahr alt gsi, won er König worde isch, und er het zwei Jahr lang über Israel regiert.

2 Saul het under de Israelite 3000 Ma usegwählt: 2000 devo sind bi ihm in Michmas und im Bergland vo Bethel und 1000 bi Jonathan in Gibeac im Stammesgebiet vom Benjamin. Die übrige Lüt het er häi gschickt.

3 Jonathan besiegt d Einheit vo de Philischterd in Geba, und d Philischter erfuehred devo. Do het de Saul im ganze Land s Horn blase und het gsäit: "D Hebräer sölli s ghöre!"

4 Ganz Israel het die Mitteilig ghört: "Saul het e Einheit vo de Philister besiegt und jetzt het sich Israel bi de Philster verhasst gmacht." Also sind de Manne zämmegruefe worde, zum sich Saul in Gilgal aazschliesse.

5 Au d Philister hend sich sammlet zum gege Israel kämpfe: 30'000 Kriegswage, 6000 Riiter und Soldate wie d Sandkörner am Meeresufer. Si sind duruf zoge und hend in Michmas gschlage, öschtlich vo Beth-Awen.

6 Die Manne Israels händ sich inere schwirige Lag gsäh, will sie hert bedrängt worde sind, und so hät sich s'Volk in Höhle, Grube, Felsspalte, Chäller und Zischtere verschteckt.

7 Etlichi Hebräer händ sogar de Jordan überquertet und händ is Gebiet vo Gad und Gilead zoge. De Saul isch allerdings na in Gilgal gsi, und alli wo bi ihm gsi sind sind zitter vor Angst.

8 Er het siebe Täg gwartet, bis die vo Samuel feschtgleitti Ziit abgloffe gsi isch. Doch isch de Samuel nöd nach Gilgal cho und d'Männer hend de Saul i alli Richtige devo gloffe.

9 Schliesslich het de Saul gseit: "Bringt mer s Brandopfer und d Gmeinschafts¬opfer", und eso opferet er s Brandopfer.

10 Grad isch er mit em Brandopfer fertig gsi, do isch de Samuel cho. De Saul isch em entgege gange, um en z begrüesse.

11 "Was häsch da ta?" het de Samuel gfrögt, wo uf de Saul antwortet het: "Ich han gseh, wie mir d'Lüüt weggloffe sind und du bisch nöd innerhalb vo de vereinbarte Ziit cho. Und d Philister händ sich in Michmas gsammlet.

12 Da hän i mir dänkt: "Jetzt werded die Philischter zum Aagriff nach Gilgal abecho, und ich han mi nöd um d Gunst Jehovas bemüeht."Drum hän i mi zwunge gsee, s Brandopfer dazbringe."

13 Drufa het de Samuel zum Saul gseit: "Das isch e grossi Dummheit gsi! Du hesch d Awisig vo dim Gott Jehova nöd befolgt. Hetsch dich dra ghalte, de hetti d Jehova dini Königsherrschaft über Israel gfestigt.

14 Aber jetzt wird dini Königsherrschaft nöd vo Duur sii. Jehova wird en Maa nach sim Herz finde. De Maa wird d Jehova zum Füerer vo sim Volk mache will du dich nöd a d Aawisig Jehovas ghalte hesch."

15 Aaschlüssend het de Samuel ufbrocht und isch vo Gilgal uf Gibea im Stammesgebiet vom Benjamin gange. Wo de Saul jetzt sini Lüüt zählt het, sinds nur na um die 600 Maa gsi.

16 Saul, sin Sohn Jonathan und d'Männer, wo na bi ihne gsi sind, hend sich z'Bau im Stammesgebiet vom Benjamin uufghalte. D'Philister degäge händ ires Lager bi Michmas uufgschlage.

17 Us em Lager vo de Philischter hend drei Stoosstrupps Überfäll gmacht. De eint het d Strooss nach Ophra gno, zum Land Schual ane gno,

18 de andere het d Strooss nach Beth-Horon gnoo und de dritte hät d Strooss zur Gränze oberhalb vom Tals Zeboïm Richtig Wildnis gno.

19 Übrigens hets in ganz Israel kei einzige Schmied geh, will d'Philister gseit händ: "D'Hebräer sölled sich kei Schwert und kei Speer chöne mache!"

20 Die Israelite händ also müesse zu de Philistere go um sich ihri Pflüg, Hacke, Äxt und Sichle schärfe z'lah.

21 En Pflug, e Hacke, en Driizack oder en Axt schärfe zloh oder en Ochsestachel festzstecke, het en Pim kostet.

22 Am Tag vo de Schlacht het keine vo Sauls und de Jonathans Lüt es Schwert oder en Speer gha. Die einzige wo na Waffe bsesse hend sind de Saul und sin Sohn Jonathan gsi.

23 Inzwüsched isch e Einheit vo de Philister zu de Passschlucht vom Michmasy vorgrückt gsi.