1.Moses 7 vo 50

1.Moses 7 vo 50

7:1 Danach het Jehova zu Noah gseit: "Gang mit dinere ganze Huusmeinschaft i d'Arche, den ich als grächt under de Mensche vo dere Generation betrachte.

2 Nimm vo allne Arte vo reine Tier je siebe mit, s'Männli und sis Wiibli, und vo allne unreine Tier nur zwei, s'Männli und sis Wiibli,

3 usserdem je siebä vo de Tier, wo am Himmel flüüged, Männli und Wiebli, damit sie überläbed und sich ihri Nachkomme überall uf de Erde usbreitet.

4 In nur no 7 Täg loh ichs nämlich 40 Täg und 40 Nächt uf d Erde regne. Ich wird all Läbewäse woni gmacht han, vo de Erdoberflächi wegwüsche."

5 Noah het denn alles gmacht wo Jehova ihm uftreit het.

6 Noah isch 600 Jahr alt gsi, wo d'Erde mit Wasser überfluetet worde isch.

7 Bevor de Fluet cho isch, isch de Noah mit sinere Söhn, sinere Frau und de Fraue vo sinere Söhn id Arche gange.

8 Die reine und die unreine Tier, die flüügende Tier und die Tier, wo sich ufem Erdbode fortbewege,

9 sind paarwis zu Noah in die Arche inne gange, Männli und Wiebli, so wie Gott s Noah uftreit het.

10 Und 7 Täg spöter isch d Erde mit Wasser überfluetet worde.

11 Im 600. Lebensjohr Noahs, am 17. Tag vom 2. Monet – a dem Tag bringed alli Quelle vom grosse, tiefe Wasser uf und d'Schlüüse vom Himmel sind öffnet worde.

12 Es hät 40 Täg und 40 Nächt lang in Ströme uf d'Erde grägnet.

13 Genau a dem Tag isch noah gange mit sinere Söhn Sem, Ham und de Jạphet, mit sinere Frau und de drü Fraue vo sinere Söhn id Arche.

14 Sie sind mit jedere Art vo Wildtier inne gange, jede Art vo Huustier, jede Art vo Tier, wo uf de Erde chrüüched, jede Art vo Vögel und andere gflüglete Tier.

15 Sie sind z' Noah id Arche gange – immer zwei vo jedere Art vo Tier, wo Läbesatem isch.

16 So sinds ine, Männli und Wiebli vo jedere Art vo Tier gange, wie Gott s Noah uftreit het. Nachher het d'Jhova d'Türe hinder ihm zue gschlosse.

17 Die Fluet het sich 40 Täg lang uf d'Erde gschosse und s'Wasser isch immer wiiter gstiege. D'Arche isch aghobe worde und het hoch über de Erde triebe.

18 s Wasser isch gstiege und isch gstiege, und alles uf de Erde isch überfluetet worde, aber d Arche schwamm uf de Wasseroberflächi.

19 Es isch so viel Wasser uf de Erde gsi, dass alli höche Berge underem Himmel bedeckt gsi sind.

20 S Wasser isch schliesslich 15 Ellena über de Berge gstande.

21 Alli Lebewese uf de Erde sind um cho: die flüügende Tier, d Huustier, d Wildtier, s Kleigetier und alli Mensche.

22 Alles uf em trochne Land wo gläbt und atmet het, gstorbe isch.

23 So wischti Gott sämtlichi Lebewese vo de Erdoberflächi weg – Mänsche und Tier, au die chriechende Tier und die flüügende Tier am Himmel. Sie sind alli vo de Erde weggwüscht worde. Nur Noah und die wo mit ihm i de Arche gsi sind überläbt händ.

24 D Erde isch 150 Täg mit Wasser überfluetet gsi.