Titus 1 vo 3

Titus 1 vo 3

1:1 Vo Paulus, eme Sklave Gottes und Aposchtel Jesus Christi in Übereinstimmig mit em Glaube vo de Userwählte Gottes und de genaue Erkenntnis vo de Wohrheit. Die Wohrheit entspricht de Gotttergebenheit

2 und stützt sich uf d'Hoffnig uf s'ewige Läbe, de Gott wo nöd lüge chan vor langer Ziit versproche het.

3 Zu dere vo ihm feschtgleiti Ziit het er aber sini Botschaft dur d Verkündigung bekannt gmacht, wo mer uf Aordnig Gottes, euses Retter, avertrut worde isch.

4 An Titus, es ächts Chind nach eusem gmeinsame Glaube: Ich wünsch dir unverdient Guets und Friede vu Gott, em Vater, und Christus Jesus, euses Retter.

5 Ich han dich uf Kreta glah damit du korrigiersch was nöd in Ordnig isch und nach de Awisige woni dir geh han vo Stadt zu Stadt Ältiste ernennt hesch.

6 En Älteschte muess frei vo Azeig sii, Mann vonere Frau, er muess gläubigi Chind ha, wo keis usschwifends oder ufsässigs Verhalte vorgworfe wird.

7 Will als Gottes Verwalter en Ufgseh mues frei vo Aklag sii, er dörf nöd eigensinnig sii, nöd ufbrausend, kein Trinker und nöd gwalttätig, au dörf er nöd uf unehrliche Gwünn uus sii.

8 Er mues vielmeh gastfründlich si wo Gueti liebe, gsunds Urteilsvermöge händ sowie gerecht, loyal und beherrscht sii.

9 Er mues bim Lehr a de zueverlässige Botschaft festhalte, damit er dur die gsund Lehr sowohl Muet machend als au die Widersprechende zurechtwiise chan.

10 Es git nämlich viel wo sich nöd underordned, Schwätzer und Betrüger bsunders die wo a de Bschneidig festhaltet.

11 Ehne muess mer s Mul stopfe, da grad d Lüüt ständig de Glaube ganzi Hushalt untergrabed, indem sie Sache lerned, wo sich nöd ghöred und sich debi uf unehrlichi Wiis bereichere.

12 Eine vo ihne – ihr eigete Prophet – hät gseit: "Kreter sind immer Lügner, gföhrlichi wildi Tier, fuule Fresser."

13 Die Ussag isch wahr. Grad wege dem muesch sie sträng zurechtwiise damit sie im Glaube gsund sind

14 und jüdische Fable und Geboten vo Mensche, wo sich vo de Wahrheit abwändet, kei Ufmerksamkeit schenked.

15 Für reini Mänsche isch alles drin. Für verunreinigti und ungläubigi degäge isch nüt drin, will sowohl din Dänke als au ihres Gwüsse verunreinigt isch.

16 Sie erkläred öffentlich, sie würed Gott känne, aber sie verlügnet en dur das wo sie mached, will sie abscheulich und unghorsam und für keinerlei gueti Tate z bruche sind.