Sprüch 20 vo 31

Sprüch 20 vo 31

20:1 De Wii isch en Spötter, Alkohol isch unbeherrscht. Wer dadurch uf abwäg chunt isch nöd klug.

 2 De Schrecke, won en König verbreitet, isch wie s Knurre vomene Löie; wer en zornig macht, riskiert sis Läbe.

 3 Es ehrt en Mensch sich nöd uf Striit iizloh, doch jede Dumme wird in ihn verwicklet.

 4 De Fuulä pflügt im Winter nöd. Drum bättlet er i de Ernte wenn er nüt het.

 5 Die Gedanke im Herze vomene Mänsch sind wie tüüfs Wasser, doch wer Unterscheidungsvermöge het, schöpfts use.

 6 Viel Mensche rüehred sich ihrere loyale Liebi, aber wer chan en treue Ma finde?

 7 De Grächti gaht de Wäg vo de Integrität. Glücklich sind sini Chind wo nach ihm chömed.

 8 Wänn de König uf em Thron z Gricht hockt, siebt er mit de Auge alles Bös us.

 9 Wer chan säge: "Ich han mis Härz greinigt, ich bin rein vo minere Sünde"?

10 Unehrlichi Gwichtsstei und falschi Masse – beides isch für Jehova abscheulich.

11 Scho es chind erkennt mer a sine Tate – ob sis Verhalte dri und richtig isch.

12 S'hörende Ohr und das sehende Aug – Jehova het sie beidi gmacht.

13 Liebi nöd de schlaf, susch wirsch arm. Öffne dini Auge und du wirsch mit Brot gsättigt.

14 "Das taugt nüüt, das taugt nüüt!", seit de Chäufer. Denn gaht er weg und prahlt.

15 Es git Gold und au viel Koralle, aber d Lippe vo de Erkenntnis sind öppis Chostbars.

16 Nimm emne Mänsch s Gwand ab wenn er sich für en Frömde verbürgt hät. Nimm em de Pfand ab wenn ers für en Usländerin tah hät.

17 Durch Betrug erworbnigs Brot schmöckt eim Mensch guet, aber nachher isch sis Muul voller Kies.

18 Plän glinge, wo mer sich beratet, und mit wiiser Aleitig füehr din Chrieg.

19 En Verlümder gaht ume und verzellt Vertraulichs wiiter. Gib dich nöd mit öpperem ab wo gern schwätzt.

20 Wer sin Vater und sini Mueter verfluecht, dem sini Lampe wird usglöscht, wenn d Dunkelheit chunt.

21 Es Erbe, das mer sich afangs dur Gier verschafft, wird am Endi kei Sege bringe.

22 Säg nöd: "Ich werde Böses zrugzahle!" Hoffe uf Jehova und er wird dich rette.

23 Unehrlichi Gwichtsstei sind für Jehova abscheulich und e betrügerischi Waage isch nöd guet.

24 Die Schritt vomene Mensch werded vo Jehova glänkt. Wie chan en Mensch sin eigene Weg verstah?

25 Es isch en Fall, wenn en Mensch vorschnell "Heilig!" lütet und erst spöter drüber nahdenkt, was er globt het.

26 Ein wiise König siebt die Böse uus und loht s Dreschrad über sie rolle.

27 De Atem vomene Mänsch isch d Lampe Jehovas, wo sis tüüfschte Inneres durchsuecht.

28 Loyali Liebi und Treue behüetet de König. Dur loyali Liebi schtützt er si Thron.

29 Die Herrlichkeit junge Mänsche isch ihri Chraft und die Prescht alte Mensche isch ihres graues Hoor.

30 Verletzige und Wunde entferne s Böse und Schläg reinige s Innerschte vomene Mensch.