Römer 13 vo 16

Römer 13 vo 16

13:1 Jede Mensch söll sich de übergordneti Autoritäte unterordne, denn es git kei Autorität wo nöd vo Gott chunnt. Die beschtehende Autoritäte stönd uf d Aordnig Gottes i ihrne relativte Stellige.

2 Wer sich daher de Autorität widersetzt, stellt sich gege die vo Gott ufgstellti Ordnig. Wer sich ihr entgegegestellt, wird defür verurteilt.

3 Denn vor de Herrschende müend sich nöd die fürchte, wo Guets tüend, sondern die wo Schlächts tüend. Wotsch ohni Angscht vor de übergordnete Autorität lebe? Tue immer guets und du wirsch Lob vo ihre becho.

4 Denn sie isch Gottes Dienerin, was dir zueguet chunnt. Duesch aber Schlächts, de fürcht di. Sie treit das Schwert nämlich nöd umsuscht. Sie isch Gottes Dienerin, wo Rache nimmt, zum Zorn gegenüber em uusdrucke, de Schlächt tribt.

5 Drum bestoht zwingende Grund dass ihr eu underordnet nöd nur wege dem Zorn sondern au wege euem Gwüsse.

6 Darum zahlet ihr au Stüüre. Schliesslich sind sie Gottes öffentlichi Diener wo ständig genau dem Zwäck diene.

7 Gebed allene, was ne zueschtoht: däm, der de Schtür verlangt, d Schtür; däm, der d Tribut verlangt, däm, dr Reschpäkt verlangt, d Respekt; däm, dr Ehri vulangt, d Ehri.

8 Seid niemertem irgendöppis schuldig, osser dasser enand liebt. Wer sine Mitmensche liebt, hät das Gsetz erfüllt.

9 Denn die Gebot "Du sollst nicht die Ehe brechen, du sollst nicht morden, du sollst nicht stahlen, du sollst nicht begehren" und all andere Gebot wos git, sind i de Wort zemmegfasst: "Du sollst deine Mitmenschen lieben wie dich selbst."

10 Die Liebi tuet em Mitmensche nüt böses aa. Deshalb isch d Liebi d Erfüllig vom Gsetz.

11 Tuet das au, will ihr erkennet weli bsundrigi Ziit jetzt isch, dass d Stund für eu scho da isch, usem Schlaf z erwache. Denn jetzt isch eusi Rettig nöcher als zu de Ziit wo mer gläubig worde sind.

12 D Nacht isch vorgrückt, de Tag isch nöch. Lönd ois drum d Tate vo de Finsternis ablege und d Waffe vom Liecht aalegge.

13 Lönd eus aständig läbe wie am helle Tag – ohni wildi Partys und Trunkeheit, ohni unmoralischi Gschlechtsbeziehige und dreisti Verhalte, ohni Striit und Eifersucht.

14 Chleidet eu villmeh mit de Eigeschafte vum Herrn Jesus Christus und plant nöd im Vorus für sündigi Wünsch.