Johannes 17 von 21

Johannes 17 von 21

17:1 All das hät Jesus gseit, hät zum Himmel gluegt und bätet: "Vater, die Stund isch cho. Verherrlich din Bueb, demit din Bueb dich verherrlicht.

2 Du hesch ihm ja Macht über alli Mänsche geh, sodass er allne wo du ihm gäh hesch, ewigs Läbe chan geh.

3 Das bedütet ewigs Läbä: Dich, de ällei wahre Gott, kennezlerne und au de, de dü gschickt hesch, Jesus Christus.

4 Ich han dich uf de Erde verherrlicht und de Uftrag wo du mir gäh hesch erfüllt.

5 Darum, Vater, verherrliche mich a dinere Site mit de Herrlichkeit woni nebe dir gha han bevors d Welt geh hett.

6 Ich han de Mönsche wo du mir us de Wält gäh hesch din Name offebart. Sie händ dir ghört und du hesch sie mir gäh und sie händ sich a dis Wort ghalte.

7 Jetzt wüssed sie, dass alles wo du mir gäh hesch, vo dir chunnt,

8 well ich das a sie wiitergeh han wo du mir gseit hesch. Sie händ diini Wort aagno und wüssed jetzt sicher, dass ich als dis Representant cho bin und sie sind zu de Überzügig glanget, dass du mich gschickt hesch.

9 Für sie bitte ich. Ich bitte nöd für d Wält sondern für die wo du mir gäh hesch will sie dir ghöre.

10 Alles, was mir ghört, ghört dir und was dir ghört, kört mir und ich bi under ihne verherrlicht worde.

11 Ich bin nöd länger i de Welt, doch sie sind i de Welt und ich chume zu dir. Heilige Vater, wach über sie weg dim Name wo du mir geh hesch demit sie eis sind, so wie mir eis sind.

12 Woni bi ihne gsi bin hani wäg dim Name wo du mir gäh hesch über sie gwachse. Ich hä si beschützt und käi einzige vo ihne isch verlore gange usser em Bue vo de Vernichtig, damit sich das erfüllt wo i de Schrifte staht.

13 Jetzt aber chum ich zu dir und seg das alles, solang ich na i de Welt bin damit mini Freud i ihne vollkomme wird.

14 Ich han dis Wort a sie witergeh doch dWält het sie ghasst will sie kein Teil vo de Wält sind so wie ich kein Teil vo de Wält bin.

15 Ich bitte dich nöd, sie us de Welt useznäh sondern wegem Tüfel über sie wache.

16 Sie sind kein Teil vo de Wält so wie ich kein Teil vo de Wält bin.

17 Heiligi sie dur d Wohrheit. Dis Wort isch Wahrheit.

18 So wie du mich id Welt gschickt hesch, han au ich sie id Welt gschickt.

19 Und ich heilige mich für sie, demit au sie durd Wahrheit gheiligt werded.

20 Ich bitte nöd nur für sie sondern au für all wo dur ihri Wort a mich glaubed

21 damit sie alli eins sind – so wie du, Vater, mit mir verbunde bisch und ich mit dir, so sölled au sie mit eus verbunde sii, damit d Wält glaubt, dass du mich gschickt hesch.

22 Ich ha dene d Herrlichkeit geh wo du mir geh hesch das sie eis sind, genauso wie mir eis sind.

23 Ich bin verbunde mit ihne und du mit mir demit sie vollkomme eis werdet. Dadra wird d Welt erkenne das du mich gschickt und sie so gliebt hesch wie mich.

24 Vater, ich möcht das die wo du mir geh hesch det bi mir sind woni bi. Sie sölled mini Herrlichkeit gseh wo du mir gäh hesch will du mich scho vor de Grundlegig vo de Wält gliebt hesch.

25 Grächte Vater, d Welt hät dich tatsächlich nöd kenneglernt aber ich kenn dich und sie händ erkennt das du mich gschickt häsch.

26 Ich han ihne din Name bekannt gmacht und wird en bekannt mache, demit sie d Liebi, mit dere du mich gliebt hesch, in sich händ und ich mit ihne verbunde bin."