Jesaia 12 vo 55

Jesaia 12 vo 55

12:1 A dem Tag wirsch ganz bestimmt säge:

"Ich danke dir, Jehova,

denn obwohl zornig uf mich gsi bisch,

het dis Zorn allmählich nahglah, und du hesch mich tröschtet.

 2 Gset! Gott isch mini Rettig.

Ich wirde Vertraue ha und mich ned fürchte.

Denn Jah, Jehova, isch mini Stärchi und Macht,

er isch mini Rettig worde."

 3 Voller Freud werdet ihr Wasser schöpfe

us de Quelle vode Rettig.

 4 Und a dem Tag werdeder säge:

"Dank Jehova, rüeft sin Name a,

macht sini Tate under de Völker bekannt!

Verkündet, dass sin Name erhaa isch.

 5 Singt Lieder für Jehova, denn er het Grosses ta.

Das söll uf de ganze Erde bekannt gmacht werde.

 6 Juble und brich in Freudeschreie us, du Bewohner Zions,

Denn de Heiligi Israels isch gross in dinere Mitti."