Jakobus 3 vo 5
- von Rico Loosli 6934 Bioggio
-
Zugriffe: 489
Jakobus 3 vo 5
3:1 Nöd viel vo eu sötted Lehrer werde mini Brüedere, denn ihr wüsset, dass mir stränger beurteilt werded.
2 Schliesslich machemer ja alli oft Fehler.
Wer mit sine Wort kei Fehler macht, isch en vollkomme Mensch, wo au sin ganze Körper chan zügle.
3 Wemmer Ross Zaumzüüg is Muul leged, damit sie eus ghorched, lenkemer demit s ganze Tier.
4 Oder dänk mal a Schiff: Obwohl sie so gross sind und vo starche Wind tribe werded, lenkt sie es ganz chlises Stüürrueder, wohi de Stüürermann will.
5 So isch au d Zunge es chlises Körperorgan und doch schwingt sie grossi Tön. Denket nume dra dass scho es chlises Füürli en grosse Wald in Brand stecke chan!
6 Au d Zunge isch es Füür. Sie staht under eusne Körperteile für e Welt vo de Ungrechtigkeit, denn sie verunreinigt de ganz Körper und steckt de ganz Lauf vom Lebe in Brand, und sie wird dur d Ghẹnna azündet.
7 Denn Wildtier, Vögel, Reptilie und Meerestier aller Art werdet und sind vo Mensche zähmt worde.
8 Mol kein Mensch chan die Zunge zäh. Sie isch unkontrollierbar, richtet Schade a und isch voll vo tödlichem Gift.
9 Mit ihre preise mir Jehova, de Vater, und doch verflueched mir mit ihre die Mensche wo so gmacht worde sind das sie "Gott ähnlich" sind.
10 Us em gliche Muul chömed Sege und Fluech. Mini Brüeder, so öpis dörf nöd si.
11 E quelle laht doch nöd us s gliiche öffnig frisches und bitteres wasser füre sprudle, oder?
12 Mini Brüeder, es Fiegebaum chan doch kei Olive wachse lah und en Wiischtock kei Fige, oder? Au chan usere salzige Quelle keis frisches Wasser cho.
13 Wer unter eu isch wiis und bsitzt Verstand? Er söll dur sin guete Läbenswandel bewiese das er alles mit ere Milde tuet wo i de Wiisheit wurzlet.
14 Wänn ihr aber bitteri Iifersucht und Striitsucht im Herze händ, dänn prahlet nöd und vertreit nöd d Wohrheit.
15 Das isch nöd d Wiisheit wo vo obe chunnt, sondern sie isch irdisch, animalisch, dämonisch.
16 Denn wos Iifersucht und Striitsucht git, da gits au Unordnig und alles möglichi Schlechti.
17 D Wisheit vo obe aber isch vorallem ine, den friedlich, vernünftig, zum Gehorli parat, voller Barmherzigkeit und guete Tate, unparteiisch, nöd hüchlerisch.
18 Usserdäm wird d Frucht dr Grechtigkeit dört gsät, wo Friede herrscht, und zwar für die, wo d Friede fördere.