Hiob 9 vo 42
- von Rico Loosli 6934 Bioggio
-
Zugriffe: 538
Hiob 9 vo 42
9 Hiob erwideret:
2 "Ja ich weiss dass es so isch.
Aber wie chan de sterblich Mensch imene Prozess mit Gott im Rächt sii?
3 Het öper wele mit ihm striite,
chönt er nöd mal uf eini vo 1000 Frage antworte.
4 Er het es wiises Herz und grossi Macht
Wer chan sich geg ihn stelle und ungschore devo cho?
5 Er versetzt Berge ohni dass es öpper weiss.
I sim Zorn stürzt er se um.
6 Er rüttlet d Erde vo de Stell,
sodass ihri Süle zittere.
7 Er befiehlt de Sunne, nöd z schiine,
und rieglet s Liecht vo de Sterne ab.
8 Er spannt ganz allei de Himmel us
un schreit iba de höche Woge vum Meer.
9 Er het d Sternbilder Asch gmacht, Kẹsil und Kịma
und d Sternbilder vom Südhimmel.
10 Er tuet Grosses und Unerforschliches,
wunderbari Sache wo nöd zähled sind.
11 Er gaht a mir vorüber und ich chan ihn nöd gseh.
Er zieht a mir verbii, aber ich merk ihn nöd.
12 Wenn er nach öppis griift, wer chan en dra hindere?
Wer chan zu ihm säge: 'Was machsch du da?'
13 Gott wird sin Zorn nöd unterdrücke.
Selbst Rạhabsan Helfer werded sich vor ihm verbüüge.
14 Wie viel meh muen ich dänn mini Wort sorgfältig wähle,
wenn ich Argument verbringe zum ihm antworte!
15 Selbst wenn ich im Recht wär wür ich ihm nöd antworte.
Chönt min Richter nur um Gnade aflege.
16 Weni rüefe wird er mer antworte?
Ich glaub nöd das er mir Ghör wird schänke,
17 den er walzt mich nieder imne Sturm
und fügt mir ohni Grund immer meh Wunde zue.
18 Er laht mich nöd Luft hole.
Immer witer füllt er mich mit Bitterheit.
19 Wenns uf Macht aachunnt isch er de Stärcher.
Gahts um Gerechtigkeit, so seit er: 'Wer chan mich zur Verantwortig zieh?'
20 Wär ich im Recht würd mich mis eigete Mul verurteile.
Selbst weni unschuldig bi, wird Gott mi schuldig rede.
21 Selbst wenn ich unschuldig bin, zwiifel ich a mir.
Das Läbe isch mir zuwider.
22 Es isch doch alles gliich. Drum sägi:
'Er vernichtet die Unschuldigen ebenso wie die Böse.'
23 Sött en Sturzfluet plötzlich de Tod bringe,
wür er über d'Verzwiflig vode Unschuldige spotte.
24 D Erde isch de Böse übergäh worde.
De Richter vo de Erde verbindet er d Auge.
Wänn nöd er, wer dänn?
25 Mini Täg sind schneller als en Läufer.
Si seckled devo ohni guets zgseh.
26 Si gliked verbii wie Schilfböötli,
stürze herab wie Adler uf ihri Büüte.
27 Würd ich säge: 'Ich wird mini Klag vergesse,
min Gsichtsusdruck verändere und fröhlich si',
28 wäri dennoch witer in Angst wäg all mine Schmerze,
und ich weiss du würsch mich nöd für unschuldig halte.
29 Ich wür schuldig gsproche werde.
Warum sött ich mich also umsuscht abmühe?
30 Würd ich mich mit schmelzendem Schnee wäsche
und miini Händ i Lauge suufed,
31 de würsch mi ine Gruebe tauche,
sodass sich selber mini eigene Chleider vor mir grusig würed.
32 Er isch nun mal kein Mensch wie ich, dass ich ihm antworte dürft,
das mir gmeinsam chönted vor Gricht gah.
33 Da isch niemert zum zwüsche eus schlichte,
Niemert wo eusi Richter chönt sii.
34 Wür er ufhöre mich z schlah,
und mir nöd Angst mached mit sine schrecke,
35 den würi ohni Furcht mit ihm rede,
denn es isch nöd mini Art us Angst use z rede.