Hiob 10 vo 42
- von Rico Loosli 6934 Bioggio
-
Zugriffe: 544
Hiob 10 vo 42
10 Mis Läbe grüert mich ah.
Ich wird min Klage Luft mache.
In miire Verbitterig werdi rede!
2 Ich wird zu Gott säge: 'Sprich mich nöd schuldig.
Säg mer warum du gäg mich kämpfsch.
3 Hesch öppis devo Anderi z'unterdrücke,
s Werk vo dine händ z verachte
und glichzitig de Rat vo de Böse guethiisse?
4 Hesch öppe Mänscheauge?
Gsehsch so wie de sterblichi Mänsch?
5 Sind dini Täg wie die vo de Stärbliche
oder dini Jahr wie die einte Maa,
6 das mis vergehe usfindig machsch
und ständig nach minere Sünd suechsch?
7 Du weisch dasi ned schuldig bi.
Niemert chan mich us dinere Hand rette.
8 Dini eigene Händ händ mich gformt und gschaffe,
aber jetzt willsch mich völlig vernichte.
9 Bitte denk dra das mi us Ton gmacht hesch,
doch jetzt lahsch mich zum Staub zruckkehre.
10 Häsch mich nöd wie Milch usgosse
und wie Chääs grinne lönd?
11 Mit Huut und Fleisch hesch mi bekleidet
und us Chnoche und sähn hesch mi zämegwobe.
12 Läbe und loyali Liebi hesch du mer gschänkt.
Mit dinere Fürsorg hesch mi Geischt behüetet.
13 Doch insgeheim häsch Schlächts gha mit mir vor.
Ich weis das alles chunt vo dir.
14 Weni würd sündige würsch mi beobachte
und mich nöd vo mim Vergehe freispreche.
15 Bin ig schuldig, schlächt für mich!
Und selbst wenn ich unschuldig bin chani de Chopf ned hebe,
Denn i bi gsättigt mit Unhre un Kummer.
16 Hebi de Chopf, jagsch mich wienenen Löie
und laht mich wieder dini Macht gspüre.
17 Du stellsch neui Züg geg mich uf
und steigersch dine Zorn geg mi,
während e Härti nach de andere über mich chunt.
18 Warum also hesch du mich usm Mueterleib gholt?
Ich het sölle sterbe bevor mich irgend es Aug gseh het.
19 Es wär gsi als hetti nie existiert.
Vom Muetterleib wäri direkt is Grab bracht worde.
20 Sind mini Täg nöd wenig? Würd er mi doch nur in Rueh lah!
Würd er doch nur sin Blick vo mir abwände damit ich chli Erliechterig hetti,
21 ehe ich weggah – ohni Rückkehrs –
is Land tüüfster Finsternis,
22 i das Land üsserschte Dunkelheit,
es Land tiefe Schatens wo kei Ordnig herrscht,
wo sälber s Liecht wie s Dunkel isch.