Hesekiel 2 vo de 48

Hesekiel 2 vo 48

2:1 Er het zu mir gseit: "Mänschesohn, stell dich ane, ich will mit dir rede."

2 Wo er mit mir gredet het isch de Geist i mich cho und bewirkt, dass ich mich ghalte han, sodass ich de wo mit mir schwätzt het chönne losse.

3 Er het wiiter zu mir gseit: "Mänschensohn, ich schick dich zum Volk Israel, zu rebellische Völkern wo sich geg mich ufglehnt hend. Sie und ihri Vorfahre hend gäg mich gsündiget bis zum hütige Tag.

4 Ich schick Dich zu Söhn wo ufsässig und hartherzig sind und du söllsch zu ihne sege: 'Das sind die Wort des Souveränen Herr Jehova.'

5 Doch obs ghöred oder nöd - sie sind nämli es rebellischs Volk, sie werded mit Sicherheit wüsse, dass en Prophet unter ihne gsi isch.

6 Du aber, Mänschesohn, fürcht dich nöd vor ihne und fürcht dich nöd vor ihrne Wort, au wenn du vo stachlige Gstrüpp und Dornene umgäh bisch und under Skorpione wohnsch. Fürcht dich nöd vor ihrne Wort und lah dich nöd vo ihrne Gsichter erschrecke, denn sie sind es rebellischs Volk.

7 Muesch ne mini Wort überbringe obs ghöred oder ned denn sie sind es rebellischs Volk.

8 Du aber Mänschensohn, los was ich dir säge. Werd nöd rebellisch wie das rebellische Volk. Öffne dis Muul und iss was ich dir gib.

9 Woni aagluegt ha, hani vor mir e uusgstreckti Hand gseh wo e beschriebni Buechrolle ghalte het.

10 Er het sie vor mir uus breitet und sie isch uf de Vorder- und Rücksiite beschriebe gsi mit Truurlieder, Jammer und Klagegschrei.