Hebräer 3 vo 13
- von Rico Loosli 6934 Bioggio
-
Zugriffe: 619
Hebräer 3 vo 13
3:1 Deshalb, heilige Brüedere, wo ihr a de himmlische Bruefig teilhänd, betrachtet de Aposchtel und Hohe Priester, zu dem mer eus bekenned.
2 Er isch dem treu gsi wo ihn gnennt het, so wies au Moses im ganze Huus Gottes gsi isch.
3 Er wird grössere Herrlichkeit für würdig ghalte als Moses, denn wer es Huus baut bechunnt meh Ehr als s Huus selber.
4 Natürlich wird jedes Huus vo öpperem baut, doch de wo alles gmacht het, isch Gott.
5 Moses isch im ganze Huus Gottes als Diener treu gsi, als Hiwiis uf das, wovon dena sött gschwätzt werde.
6 Christus aber isch als Bueb über Gottes Huus treu gsi. Mir sind Gottes Huus, wänn mir a eusere Offeheit im Rede und a de Hoffnig, uf die mir stolz sind, bis zum Endi standhaft festhalte.
7 Drum seit de Heilige Geischt: "Hütt, wänner sini Stimm ghöred,
8 verhärtet euis Herz nöd wie damals wo erbitterig hervorgruefe worde isch, wie am Tag de Erprobig i de Wildnis,
9 wo mich euri Vorfahre usegforderet und uf d Prob gstellt hend obwohl sie mini Tate 40 Jahr lang gseh hend.
10 Deshalb widerte mich die Generation ah und ich ha gseit "Sie chömed in ihrem Herz ständig vom Weg ab und mini Wäg hends nöd erkannt."
11 Drum schwor ich i mim Zorn: 'Sie werded nöd i mini Rueh glange.
12 Passt uf, Brüeder, dass sich nöd i eim vo euch jemals es böses, ungläubigs Herz entwicklet, will er sich vo dem lebändige Gott zruggzieht.
13 Ermuetigt enand vielme meh wiiterhin Tag für Tag, solang s "Hüt" aahaltet, damit keine vo euch wäg de betrügerische Macht vo de Sünd verhärtet wird.
14 Denn mir werded tatsächlich nur denn a Christus teilha, wemmer a de Zueversicht, wommer z Afang gha hend, bis zum Endi standhaft festhalte.
15 Es heisst doch: "Hüt, wenn ihr sini Schtimm ghöred, verhärtet eues Herz nöd wie damals, als Erbitterig hervorgruefe worde isch.
16 Denn wer het ghört und trotzdem Erbitterig hervor grüeft? Sind das nöd alli gsi wo under Moses us Ägypte uszoge hend?
17 Oder wer isch Gott 40 Jahr lang ahgwideret? Sinds nöd die gsi wo sündigte wo ihre Liiche i de Wildnis zerfilled?
18 Und wem het er gschwore, dass sie nöd i sini Rueh würed glange? Sinds nöd die gsi, wo unghorsam handlet?
19 Mir gsehnd also, dass sie wäg ihrem Unglaube nöd händ chönne ineglange.