Habakuk 2 vo 3
- von Rico Loosli 6934 Bioggio
-
Zugriffe: 503
Habakuk 2 vo 3
2:1 Uf mim Wachtposte wird ich stah bliibe und uf de Wall wird ich mich stelle. Ich wird Wach halte zum gseh was er dur mich rede wird und was ich erwidere wenn ich zrechtgwiese werde.
2 Jehova antwortet mir: Schrib d Vision uf, graviered sie düütlich i Tafle ii, damit de Läser es mühelos chan vorläse.
3 Denn d Vision wird sich erst zu ihrer feschtgleiti Ziit erfülle und sie eilt am Endi entgäge, sie wird sich nöd als Lüg erwiese. Selbst wenn sie uf sich sött loh warte, warte geduldig uf sie! Denn sie wird sich uf jede Fall erfülle. Sie wird sich nöd verspötet!
4 Gseh der de Stolze ah. I sim Innere isch er nöd ufrichtig. De Gerecht aber wird wäg sinere Treue läbe.
5 Will de Wii en Betrüger isch, wird de Arrogant sis Ziel nöd erreiche. Er laht sin Appetit so gross werde wie s Grab. Er isch wie de Tod - unersättlich. Fortlaufend sammlet er alli Natione ii und bringt für sich alli Völker zäme.
6 Werde sie nit alli ä Sprichwort, ä Aaspielig un Rätsel gege nen üssere? Sie wäre sage: Wehe däm, der ufhäuft, was nem nit ghärt, we lang noh?, und de sini eiget Schuld na grösser macht!
7 Werded sich dini Gläubige nöd plötzlich erhebe? Sie werded ufwache und dich heftig schüttle und du wirsch vo ihne usplünderet werde.
8 Will du viel Natione usplünderet hesch, werded dich alli übrige Völker usplündere wäg dim Bluetvergiesse und dine Gwalttate a de Erde, de Städt und ihrne Bewohner.
9 Wehe dem wo mit unehrliche Mittel Gwünn für sis Huus macht zum sis Nest ufe baue und so em Griff vom Unglück entcho!
10 Dini Plän bringed Schand über dis Huus. Durchslösche vill Völker sündigsch geg dich selber.
11 Denn us de Muur wird es Stei schreie und en Balkä usem Gebälk wird ihm antworte.
12 Wehe dem wo e Stadt mit Bluetvergiesse baut und de e Ortschaft dur Ungerechtigkeit gründet!
13 Chunts nöd vo Jehova, em Herr vo de Heere, dass Völker schwer schaffe werded zum s Füür schüre, dass sich Natione abplage für nüt?
14 Denn d Erde wird vum Erkenntnis iba d Herrlichkeit Jehovas erfüllt si, so wie s Wasser de Meeresbode bedeckt.
15 Wehe dem wo sin Mitmensche öppis z trinke git und Wuet und Zorn hinzuefüegt zum si betrunke und si nackt z gseh!
16 Du wirsch mit Unehr gfüllt statt mit Herrlichkeit. Au du, trink und entblösst dini Unbschnitteheit. De Becher ide rechte Hand Jehovas wird bis zu dir ume cho und Schand wird dini Herrlichkeit überdecke.
17 Denn die em Lịbanon zuegfüegti Gwalt wird di bedecke. D Vernichtung, de die Tier in Schrecke versetzt het, wird über dich kumme wäg dim Bluetvergiesse und dine Gwalttate a de Erde, de Städt und ihrne Bewohner.
18 Was bringt en Götze, wo ja vo öpperem hergstellt worde isch? Vo wellem Nutze isch en Metallstatue und en Lügelehrer sälber wenn sin Hersteller druf vertrout, de Hersteller wertloser, stummer Götter?
19 Wehe däm, wo zumene Stück Holz seit: "Wach uf!", und zumene stumme Stei: "Wach uf! Bring öis öppis bi!"!De Götze isch mit Gold und Silber überzoge, aber er het gar kei Atem in sich.
20 Jehova jedoch isch i sim heilige Tempel. Schwig vor ihm, ganzi Erde!