Galater 6 vo 6
- von Rico Loosli 6934 Bioggio
-
Zugriffe: 538
Galater 6 vo 6
6:1 Brüedere, au wenn öpper en Fehltritt tuet ohni dass es ihm bewusst isch, söllet ihr, wo ihr dur de Geist befähiget sind, versueched ihn im Geist vo de Milde wieder uf de richtig Wäg zbringe. Passed aber uf eu sälber uf, damit nöd au ihr in Versuechig chömed.
2 Traged enand wiiter d Bürde. So erfülled ihr s Gsetz vom Christus.
3 Wenn öpper denkt, dass er öppis isch, obwohl er nüt isch, macht er sich öppis vor.
4 Jede söll sis eigete Tue überprüefe, denn chan er sich über sich allei freue, ohni sich mit öpper anderem zvergliche.
5 Denn jede wird sini eigeni Last träge.
6 Usserdem söll jede, wo im Wort Gottes unterrichtet wird, den a allem Guete teil ha lo, der ihm dä Underricht git.
7 Lönd oi nöd tüüsche: Gott laht sich nöd verspotte. Was immer öpper säit, das wird er au ernte.
8 Denn wer im Hiblick uf sini sündige Natur setzt, wird vu sinere sündige Natur Vuderbe ernte. Wer aba im Hiblick uf d Geischt sät, wird vum Geischt ewigs Läbä ernte.
9 Lönd ois also nöd ufhöre guets ztue, denn wemmer nöd ufgebed werded mer zu gender Ziit ernte.
10 Solang mer d Glegeheit dezue hend wemmer also allne Guets tue, bsunders dene wo im Glaube mit eus verwandt sind.
11 Gseht nur, mit was für grossi Buechstabe hani eu eigenhändig gschriebe!
12 Alli wo nach usse ane wend en guete Idruck mache versueched eu zur Beschneidig z dränge, nur damit sie wegem Marterpfahl vom Christus nöd verfolgt werded.
13 Denn nöd mal die wo sich beschnide lönd, halted sich a das Gsetz, aber sie wännd, dass ihr eu beschnide lönd, damit sie sich euretwegge chönnd.
14 Ich wett mich aber niemols mit öppis anderem rüehre als em Marterpfahl vo eusem Herr Jesus Christus, dur de Welt für mich jetzt tot isch und ich für d Welt.
15 Denn vo Bedütig isch weder Beschneidig no Unbschnitteheit, sondern e neui Schöpfig.
16 Alle, wo nach dere Verhaltensregel en ordentliche Lebenswandel füehre, ja dem Israel Gottes, wünsch ich Friede und Barmherzigkeit.
17 Vo jetzt a söll mir niemert meh Schwierigkeite mache, will ich a mim Körper d Brandmal vomene Sklave vom Jesus träge.
18 Die unverdiente Güte üses Herrn Jesus Christus isch mit däm Geischt, den ihr zeigt, Brüeder. Amen.