Epheser 5 vo 6

Epheser 5 vo 6

5:1 Drum nehmed eu Gott zum Vorbild als gliebti Chind,

2 und gaht wiiter de Wäg vo de Liebi, so wie au de Christus eus gliebt und sich als Opfer für eus anegäh het – en liebliche Duft für Gott.

3 Sexuelli Unmoral und jedi Art Unreinheit oder Gier sölled under eu ned mal erwähnt werde, so wies sich für Heiligi ghört.

4 Au schamloses Verhalte, dumms Grede und obszöni Gspäss sind unpassend. Seit vielmeh Dank.

5 Denn ihr wüsset, ja ihr sind eu dem völlig bewusst, dass niemert, wo sexuell unmoralisch handlet, au kei Unreiner oder Habgieriger, das heisst ä Götzendieer, irgend ä Erbe im Königrich vum Chrischtus und Gottes hät.

6 Lönd eui vo niemerem mit leere Wort betrüüge, denn wäge alldem trifft de Zorn Gottes unghorsami Mänsche.

7 Hend daher nüt mit ihne gmeinsam.

8 Denn frühner wartet ihr Finsternis, jetzt aber sind ihr Liecht in Verbindig mit dem Herrn. Läbet witer als Chind vum Liecht,

9 dänn d'Frucht vom Liecht bestaht us jedere Art vo Güte und Gerechtigkeit und Wohrheit.

10 Vergewissed eu immer, was für de Herr ahnämbar isch,

11 und beteiliged eu nüme a de fruchtlose Werke, wo zu de Finsternis ghöred. Deckt vielme meh uf, was sie sind.

12 Denn was sie im Verborgen mached isch z beschämend zums au nur erwähne.

13 Deno wird alles wo ufdeckt wird durchs Liecht offebart, denn alles wo offebart wird isch Liecht.

14 Drum heisst s: "Wach uf, dü Schlafa, un schtoh vu d Dote uf, un dr Chrischtus wird dir lüchte.

15 Achtet also genau druf wie ihr lebet, nöd wie unwis, sondern wie wiissi Mensche,

16i und macht s beste us eurere zit, denn d ziite sind schlimm.

17 Darum sind nümme unvernünftig, sondern versuecht wiiterhin z'erkenne was de Wille Jehovas isch.

18 betrinkt eu au nöd mit wii was zu Uusschwifig füehrt, sondern lönd eu stets mit Geist erfülle.

19 Stärkt eui gägesitig mit Psalme, Lobgsäng für Gott und geisterfüllte Lieder. Singt und musiziert für Jehova vo ganzem Herze

20 und seit eusem Gott und Vater immer für alles im Name vo eusem Herr Jesus Christus Dank.

21 Ordned eu us Ehrfurcht vor Christus enand under.

22 Die Frauen sollten sich ihren Männer unterordnen wie dem Herrn.

23 Denn en Maa isch s'Haupt vo sinere Frau, so wie de Christus s'Haupt vo de Versammlig isch, sim Körper, wo de Retter er isch.

24 Ja, wie sich d Versammlig am Christus unterordnet, so sölled sich au d Fraue vo ihre Männer i allem underordne.

25 Ihr Männer, liebed eui Fraue wiiterhin, so wie au de Christus d Versammlig gliebt und sich für sie gopferet het,

26 um sie z heilige und sie im Wasserbad vom Wort Gott z reinige.

27 So chan er sich sälber d'Versammlig i ihrere Pracht präsentiere – ohni en Fläcke oder Falte oder öppis dergliiche, sondern heilig und Madellos.

28 Ebeso sölled d Männer ihri Fraue wie ihre eigene Körper liebe. En Maa wo sini Frau liebt, liebt sich selber,

29 den na nie het öpper sin eigene Körper ghasst, sondern er ernährt und pflegt en, so wie de Christus mit de Versammlig macht,

30 will mer Teil vo sim Körper sind.

31 "Derhalb wird en Maa sin Vater und sini Mueter verlah und fest zu sinere Frau halte, und die beide werded eis sii.

32 Das heilige Gheimnis ist gross. Ich rede jetzt über Christus und die Versammlig.

33 Uf jede Fall söll jede vo eu sini Frau liebe wie sich selber. Anderersiits söll die Frau grosse Respekt vor ihrem Maa ha.