Die Psalme 19 vo 150
- von Rico Loosli 6934 Bioggio
-
Zugriffe: 337
Psalme 19 vo 150
Für de musikalisch Leiter. E Musigstück vo David.
19:1 De Himmel verkündet d Herrlichkeit Gottes,
de Himmel preist s Werch vu sinere Händ.
2 Tag für Tag sprudlet er Wort füre
und Nacht für Nacht enthüllt er Wüsse –
3 ohni Sproch, ohni Wort,
kei Stimm isch z ghöre.
4 Und doch gaht sin Schall i die ganz Wält use,
sini Botschaft bis ans End vo de bewohnte Erde.
Im Himmel hät Gott vo de Sunne en Zelt uufgschlage.
5 Sie isch wie es Bräutigam wo us em Hochzitsgmach chunnt.
Sie freut sich wie en starche Maa wo uf sinere Bahn lauft.
6 A dem eine vom Himmel taucht si uuf,
sie zieht ihren Chreis bis zum andere Endi änd
und nüt chan ihre Hitz entcho.
7 Das Gsetz Jehovas isch vollkomme, schänkt wieder neui Chraft.
Die vo Jehova kommendi Erinnerig isch zueverlässig, macht de Unerfahre wiis.
8 Die Befehl Jehovas sind grächt, erfreued s Herz.
Was Jehova anordnet isch rein, erlüchtet d Auge.
9 D'Ehrfurcht vor Jehova isch rein, sie bliibt für immer.
D Urteilsprüch Jehovas entspräched vo de Wahrheit, sind allesamt grächt.
10 Sie sind begehrenswerter als Gold, als en huufe fiinstes Gold,
un süsser als Honig, als Honig, der üs d Wabe tropft.
11 Durch sie wird din Diener gwarnt.
Si z halte bringt grossi Belohnig.
12 Wer chan scho sin eigene Fehler erkenne?
Sprich mich frei vo Sünde wo mir nöd bewusst sind.
13 Bewahr din Diener vor amassende Tate,
lah nöd zue das sie mich beherrsche.
Dänn bini ohni Schuld,
frei vo schwere Sünd.
14 Lah d Wort vo mim Muul lah und die tüfe Gedanke vo mim Herz
für dich agnehm sii, o Jehova, min Fels und min Erlöser.