Die Psalme 103 bis 150

D Psalme 103 bis 150

Vo David.

103:1 Ich will Jehova priise,

alles in mir söll sin heilige Name preise.

 2 Ich will Jehova priise.

Nie willi vergesse was er alles gmacht het.

 3 Er vergibt all dini Vergehe

und heilt alli dini Chrankheite

 4 Dis Läbe forderet er vom Grab zrugg

und er krönt dich mit sinere loyale Liebi und Barmherzigkeit.

 5 Er sättet dich mit Guetem dis Läbe lang,

sodass sich dini Jugend erneueret wie bime Adler.

 6 Jehova handlet mit Gerechtigkeit und Recht

für alli Unterdrückte.

 7 Er het de Moses sini Wäg mitteilt,

sini Tate de Söhn Israels.

 8 Jehova isch barmherzig und mitfühlend,

wird nöd schnell zornig und isch rich a loyale Liebi.

 9 Er wird eus eusi Fehler nöd endlos vorhalte

na für immer nachträgend sii.

10 Er het eus nöd so behandlet wie mers weg eusne Sinde verdiened,

na het er euissi Vergehe heizahlt.

11 Denn so höch wie sich de Himmel über d Erde erhebt,

so gross isch sini loyali Liebi zue däne, de Ehrfurcht vor nem hän.

12 So wiit weg wie de Sunneufgang vom Sunneuntergang isch,

so wiit het er eusi Übertretige vo eus entfernt.

13 So wie en Vater mit sine Söhn barmherzig isch,

so isch Jehova mit dene barmherzig wo Ehrfurcht vor ihm händ.

14 Denn er kennt eusi Beschaffeheit nur zu guet,

er denkt dra, dass mer Staub sind.

15 Die Täg vom stärbliche Mensch sind wie Gras.

Er blüetet uuf wie e Blueme vom Feld.

16 Weht de Wind, isch si dahii,

als hätts sie nie geh.

17 Doch die loyal Liebi Jehovas bestoht bis i alli Ewigkeit

gegenüber dene wo Ehrfurcht vor ihm hend,

und sini Grechtigkeit gegenüber de Chind vo ihrne Chind,

18 gegenüber dene wo sin Bund hebed,

dene wo gwüssihaft druf achte, sini Aordnige z befolge.

19 Jehova hät sin Thron im Himmel fescht errichtet.

Sini Königsherrschaft erstreckt sich über alles.

20 Priist Jehova, all sini Engel wo ihr starch und mächtig sind,

wo ihr uf sini Stimm höret und so sini Befehl usführt.

21 Priist Jehova, all sini Heere,

Ihr, sini Diener, wo ihr sin Wille erfüllt.

22 Priist Jehova, all sini Werke,

a allne Orte, won er regiert.

Mis ganze Ich söll Jehova priise.