Das höche Lied 3 vo 8

S höche Lied 3 vo 8

3:1 Nacht uf mim Bett hani dä gsuecht woni liebe. Ich han ihn gsuecht, hanen aber nöd gfunde.

 2 Ich wird ufstah und dur d Stadt streife. Uf de Strosse und de öffentliche Plätz will ich's sueche, wo ich liebe. Ich han ihn gsuecht, hanen aber nöd gfunde.

 3 Uf ihrer Rundi dur d Stadt hend mich die Wächter gfunde. 'Hend ihr den gseh wo ich liebe?'

 4 Chum bini a ihne verbii gsi, da hani de gfunde, woni lieb. Ich han en fescht ghalte, han en nüme loslah bis ich en is Huus vo minere Muetter bracht han, in de Inneruum vo dene wo mit mir schwanger gsi isch.

 5 Ich stell eu under Eid, Töchter Jerusalem, bi de Gazelle und de Riehe vom Feld: Versuecht nöd, d Liebi in ma z wecke oder z errege, solang sie nöd dezue bereit isch.“

 6 "Was chunt da us de Wildnis ufe wie Rauchsüle, parfümiert mit Myrrhe und Wiirauch, mit all dene duftende Puder vomene Händler?"

 7 "Gseht nur! Es isch die Sänfti Sạlomos, umgeh vo 60 starche Männer, vo de starche Männer Israels,

 8 alli bewaffnet miteme Schwert, alli usbildet für de Chrieg, jede mit sim Schwert a de Siite zum Schutz gäge d Schrecke vo de Nacht."

 9 "Es isch die Sänf König Sạlomos, us de Bäum vom Lịbanon eigetli für ihn gfertigt,

10 ihri Süle us Silber gmacht, ihri Stütz us Gold. Ihr sitz isch us purpurroter Well, ihres Inneres liebevoll gschmückt vo de Töchtere Jerusalems."

11 "Göhnd use, ihr Töchter Zions, gsehnd euch de König Sạlomo ah – mit de Hochziitskrone wo sini Mueter für ihn gmacht het am Tag sinere Hochziit, am Tag sinere Herzensfreud."