D Psalme 8 vo 150

Psalme 8 vo 150

Für de musikalisch Leiter. Uf de Gittịt. E Psalm vom David.

8:1 O Jehova, euse Herr, wie majestätisch doch din Name isch uf de ganze Erde!

Dini Pracht hesch über de Himmel usreiche lah!

 2 Durch s Muul vo Chind und Säuglinge hesch dini Macht gfestigt

dinere Gägner wäge,

zum de Feind und de Rächer zum Schweige bringe.

 3 Weni di Himmel gseh, d Werch vo dine Händ,

de Mond und d Stärne wod gschaffe hesch:

 4 Was isch da de sterblich Mänsch, dass a ihn denksch?

Was isch da en Mänschesohn, dass du dich um ihn kümmersch?

 5 Du hesch en chli gringer als Gottähnlichi gmacht,

mit Herrlichkeit und Pracht hesch en krönt.

 6 Du lahsch en über d Werch vo dinere Händ herrsche,

alles hesch em zu Füesse gleit:

 7 alli Schoof, Gebiege und Rinder

und au d Wildtier,

 8 d'Vögel am Himmel und d'Fisch im Meer,

was au immer uf de Pfade vo de Meer dehiezieht.

 9 O Jehova, euse Herr, wie majestätisch doch din Name isch uf de ganze Erde!