5.Moses 18 vo 34
- von Rico Loosli 6934 Bioggio
-
Zugriffe: 409
5.Moses 18 vo 34
18:1 Die Prieschter us em Stamm Lẹvi und überhaupt de ganz Stamm Lẹvi söll weder en Ateil na en Erbe mit Israel übercho. Sie sölled vo de Füüropfer Jehovas ässe, wo sis Erbe sind.
2 Sie sölled also zmitzt unter ihrne Brüedere keis Erbe becho. Jehova isch ihres Erbe, wie ers ihne gseit het.
3 De Priester staht vom Volk Folgendes rächtmässig zue: Vo jedem wo öppis opferet ob en Stier oder es Schoof, chunt de Prieschter s Schulterstück, d Chinbacke und de Mage über.
4 Du söllsch ihm de ersti Ertrag vo dim Getreide geh, vo dim neue Wii und dim Öl und die erst gschoreni Wulle vo dim Chlivieh.
5 Jehova, din Gott, het en und sini Söhn us allne dine Stämm usgwählt damit sie im Name Jehovas immer Dienst verrichte.
6 Falls en Levịt eine vo de Städt in Israel, wo er gläbt het, verlaht und er an Ort wett gah, de Jehova uswählt,
7 denn chan er döt im name vo sim gott Jehova genauso Dienst verrichte wie alli sini Brüedere wo Levịte wo dete vor Jehova stönd.
8 Er söll de gliich Aateil a Nahrig becho wie si, zuesätzlich zum Erlös us em Verchauf vom Bsitz vo sinere Vorfahre.
9 Wennd in das Land chunnsch, das Jehova, din Gott, dir git darfsch die abscheuleche Praktike vo de detige Völker nöd überneh.
10 Bi dir dörf niemert z finde, wo sin Sohn oder sini Tochter als Opfer verbrennt, wo sich mit Wahrsagerei beschäftigt, de Magie tribt oder nach Vorzeiche useluegt, au kei Zauberer
11 und niemert wo ander mitme Zauberspruch beleit, wo sich anes Geistermedium oder en Wahrsager wändet oder wo die Tote befragt.
12 Denn wer so öppis tuet isch für Jehova abscheulich. Wäg dene abscheuleche Praktikene vertribt Jehova, di Gott, die Völker vor dir.
13 Du söllsch vor Jehova, dim Gott, es iwandfreis Lebe führena.
14 Denn die Völker, wo du enteigsch, hän uf die ghärt, wo Magie triibe und wohr sage. Doch Jehova, di Gott, het dir nüt degliiche erlaubt.
15 Jehova, din Gott, wird für dich us de Mitti vo dinere Brüeder en Prophete wie mich beruefe. Uf ihn söllsch ghöre.
16 Das gscheht, will du Jehova, din Gott, a dem Tag wo du im Họreb versammlet gsi bisch, bätte hesch: 'Lah mich die Stimm Jehovas, min Gottes, nöd wieder ghöre, und lah mich das grossi Füür nüm gseh, damit ich nöd stirb.‘
17 Jehova hät druf zu mir gseit: 'Was sie gseit händ isch guet.
18 Ich wird für sie us de Mitti vo ihrne Brüeder en Prophete wie Dich bruefe und mini Wort in sis Mul lege. Er wird ihne alles mitteile, was ich ihm uftrag.
19 Ja, ich wird de Maa zur Rächeschaft zieh, wo nöd uf das ghört wo er i mim Name seit.
20 Falls sich irgend es Prophet aamisst, öppis i mim Name z'säge, was ich ihm nöd uftreit han, oder er im Name anderer Götter redet, dänn mues er sterbe.
21 Vilicht fragsch dich aber: "Woher wissen wir, dass das Geseit nicht von Jehova kommt?"
22 Wenn de Prophet öppis im Name Jehovas seit und sini Wort sich nöd erfülle oder bewahrheite, dänn chömeds nöd vo Jehova. De Prophet het sich agmässe, sie z üssere. Fircht dich nit vor ihm.