5.Moses 10 vo 34

5.Moses 10 vo 34

10:1 Jehova hät damals zu mir gseit: 'Meissle dir zwei Steintafle wie die erste und chum zu mir uf de Berg. Mach dir usserdem e Trueh us Holz.

2 Ich wird uf die Tafle die Wort schriibe, wo uf de erste Tafle gstande sind, wo du zerschlage hesch, und du leisch de d Tafle i d Trueh.'

3 Also hani en Truhe us Akazienholz gmacht und zwei Steintafle gmeisslet wie die erste. Mit de beide Tafle i de Hand bini uf de Berg gstige.

4 Dänn hät Jehova uf d Tafle di gliiche Wort wi vorhär – d'Zäh Gebot gschribe – won er a dem Tag, won er versammlet wartet, uf em Bärg us em Füür zu eu gseit hät. Nachher hät sie mir Jehova gäh.

5 Ich han mich umdräit, isch de Berg durab gstige und han die Tafle id Trueh gleit wo ich gmacht han und wo sie no sind – wie Jehova s mir ufträge gha het.

6 Die Israelite hend denn vo Bẹeroth-Benẹ-Jaakan weg nach Mọsera zoge. Det isch de Aaron gstorbe und mer hets begraubt. Sind Sohn Eleạsar het sini Stell als Priester ihgnoh.

7 Vo det zoge sie nach Gudgọda und vo Guudgọda nach Jọtbathaj - es Land mit Täler wo Wasser flüsst.

8 Jehova sonderet damals de Stamm Lẹvi us. D Levị söttet d Bundeslade Jehovas träge und vor Jehova stah zum ihm diene, und s Volk i sim Name zeiged wie sie s bis hüt tüend.

9 Drum hät Lẹvi kei Aateil und kei Erb mit sine Brüedere übercho. Jehova isch sin Erbe, wie Jehova, din Gott, es het em gseit.

10 ich selber bin blibe wie s erste mal 40 Täg und 40 Nächt ufem Berg und JEHOVA het mich au bi dere Glägeheit erhört. JEHOVA het dich ned welle vernichte.

11 Dänn hät Jehova zu mir gseit: 'Gang vor em Volk her und bereit de Uufbruch vor. Sie sölled is Land inezieh, das ich ihne wird geh, wie ich's ihre Vorfahre gschwore han, und's in Bsitz neh.'

12 Und jetzt Israel, was verlangt Jehova, di Gott, vo dir? Doch nur das vor Jehova, dim Gott, Ehrfurcht hesch, dass du uf allne sin Wäg gasch, dass du ihn liebsch, dass du Jehova, dim Gott, mit dim ganze Herze und dinere ganze Seel diensch

13 und dass du dich a d'Gebot und Bestimmige Jehovas haltisch, wo ich dir hüt gib, damits dir guet gaht.

14 Sieh doch! Jehova, dim Gott, ghöred die Himmel, ja d Himmel vo de Himmel und d Erde mit allem wo druf isch. 15 Aber nur dine Vorfahre hät sich Jehova liebevoll zuegwandt, und er hät eu, ihri Nachkomme, us allne Völker usgwählt – wie's hüt dä Fall isch.

16 Reinigt jetzt eui Herze und sind nüme so stur.

17 Denn Jehova, aicha Gott, isch dr Gott vu d Götter un dr Herr, der grossi, starki un Ehrfurcht iiflüssend Gott, der nemads schtarch behandlet un sich nit bschähe losst.

18 Er verhilft em vaterlose Chind und de Witwe zum Recht. Er liebt de asässige Fremden und versorgt en mit Nahrig und Chleidig.

19 Au ihr söttet de asässige Fremde liebe, will ihr hend ja selber als Fremde in Ägypte glebt.

20 Vor Jehova, dim Gott, söllsch Ehrfurcht ha, ihm söllsch diene, a ihn söllsch di chlämmere und bi sim Name söllsch schwöre.

21 Ihn sellsch du priise. Er isch din Gott wo all die grosse, Ehrfurcht iiflüssende Tate für dich vollbracht hät wo du mit eigene Auge gseh häsch.

22 Als dini Vorfahre nach Ägypte zoge sinds 70 Persone gsi und jetzt het Jehova din Gott dich so zahlrich werde lah wie d Stern am Himmel.