3.Moses 27 vo 27

3.Moses 27 vo 27

27:1 Jehova het wiiter zu Moses gseit:

2 "Red mit de Israelite und teile ihne mit: 'Wenn öpper es bsunders Gelübde ableit und Jehova de Schätzwert für e Person wott opfere,

3 betreit de Schätzwert für en Maa zwüschet 20 und 60 Jahr 50 Schekel Silber nach em Standardschekel vom Heiligtum.

4 De Schätzwert für e Frau isch 30 Schekel.

5 Bi 5- bis 20 Jährige betreit de Schätzwärt für e Person männliche Gschlächts 20 Schekel, für e Person wibliche Gschlächts 10 Schikel.

6 Für Junge zwüsched emne Monet und 5 Jahr betreit de Schätzwert 5 Schekel Silber, für Meitli 3 Schekel Silber.

7 Für Persone im Alter vo 60 Jahr und drüber betreit de Schätzwert für Männer 15 Schekel und für Fraue 10 Schekle.

8 Isch de Beträffendi jedoch z arm zum de Schätzwert zahle, söll sich d Person vor de Priester stelle, und de Priester söll en Wert für sie feschtsetze. Grundlag für d Bewertig söll sii was de wo s Gelübde ableit chan ufbringe.

9 Gaht's bi dem Gelübde um es Tier wo als Opfer für Jehova geignet isch, dänn söll alles wo Jehova gäh wird heilig werde.

10 Es därf nöd ersetzt oder ustuscht werde - Guets gäge Schlächts oder Schlächts gäg guets. Wird aber doch es Tier gege es anders uustuuschet, söll sowohl s ursprüngliche Tier als au s uustuuschte heilig werde.

11 Ischs es unreins Tier wo nöd als Opfer für Jehova derf bracht werde, sölls vor de Prieschter gstellt werde.

12 De Prieschter sölls den bewerte – obs guet oder schlecht isch. De vom Prieschter feschtgleiti Wert söll gelte.

13 Wänn dä Betreffends jedoch irgendwänn will zruggchaufe, söll er zum Schätzwert es Fünfli dezue gä.

14 Falls öpper sis Huus heiligt, damits öppis Heiligs für Jehova wird, söll de Priester es bewärte – obs guet oder schlecht isch. De Priis söll dem vom Priester feschtgleit Wert entspreche.

15 Wott dä wo sis Huus heiligt, es zruggchaufe, söll er zum Geld vom Schätzwert es Füftel dezue gä. Dänn ghörts ihm.

16 Falls öpper en Teil vom Feld woner bsitzt für Jehova heiligt, söll de Schätzwert nach de Saatmängi veraschlagt werde wo mer brucht zums besichtige: En Họmer Gerestsaat entspricht 50 Schekel Silber.

17 Heiliget er sis Feld vom Jubeljahr a, gilt dä Schätzwärt.

18 Heiliget er sis Feld nachem Jubeljahr, söll de Priester für ihn de Priis nachher berächne wieviel Jahr es no bis zum nöchste Jubeljahr sind und de Schätzwert entsprechend reduziere.

19 Wänn dä wo sis Fäld gheiligt hät, aber irgendwännännänn zruggchaufe wett, söll er zum Gäld vom Schätzwärt äs Fünfli derzue gä. Dänn ghörts wieder ihm.

20 Chauft er s'Feld aber nöd zrugg und wirds a öpper andersch verchauft, chas nüme zrugkauft werde.

21 Wird das Feld im Jubeljahr frei, sölls öppis Heiligs für Jehova werde – es Feld wo ihm gwicht isch. Es wird Eigetum de Prieschter.

22 Falls öpper es kaufts Feld wo nöd zu sim Erbbsitz ghört, für Jehova heiligt,

23 den söll ihm de Prieschter de Betrag vom Schätzwert bis zum Jubeljahr berchne, und er söll de Schätzwert a dem Tag übergäh. Isch öppis Heiligs für Jehova.

24 Im Jubeljahr gaht s Feld a de Verchäufer zrugg, wo s Land ghört.

25 De Schätzwert söll immer nach em Standardschekel vom Heiligtum feschtgleit werde. En Schekel söll 20 Gẹra entspreche.

26 Niemer dörf d Erstgeburt vo Tier heilige, will d Erstgeburt ghört Jehova. Ob Stier oder Schof, es ghört scho Jehova.

27 Chauft er es erstgebornigs unreins Tier nachem Schätzwert los, söll er en Füftel vom Wert dezue gä. Wirds nöd zruggkauft, sölls nach em Schätzwert verchauft werde.

28 Öppis Gweihts wo öpper Jehova us sim Bsitz bedingigslos weiht dörf nöd verchauft oder zrugkauft werde. Das gilt für Mänsche, Tier und Landbesitz. Alles Gweihte isch öppis Hochheiligs für Jehova.

29 Usserdem dörf kein Verurteilter wo für d Vernichtig abgsundert worde isch, loskauft werde. Er muess unbedingt sterbe.

30 Vo allem, was das Land hervorbringt – öb vom Ertrag vom Feld oder vo de Frücht vo de Bäum – ghört en Zähntel Jehova. Es isch öppis Heiligs für Jehova.

31 Wett öpper irgendwenn öppis vo sim Zähntel zruggchaufe, söll er en Füftel devo dezue gä.

32 Jedes Zähntel vom Grossvieh und vom Kleinvieh, das heisst jedes zehnte Tier, wo under em Hirtestab duregoht, söll öppis Heiligs für Jehova werde.

33 Mer dörf weder untersueche obs guet oder schlecht isch, no dörfs ustuscht werde. Versuecht öpper trotzdem, es uusztusche, söll sowohl s ursprüngliche Tier als au s uustuuschte chli heiligs werde. Es dörf nöd zruggkauft werde.'"

34 Das sind die Gebot, wo Jehova Moses ufem Berg Sịnai für d Israelite gäh het.