2.Moses 27 vo 40
- von Rico Loosli 6934 Bioggio
-
Zugriffe: 466
2.Moses 27 vo 40
27:1 Der Altar soll aus Akazienholz baut werden: 5 Ellen lang und 5 Ellen breit. Er soll quadratisch sein und 3 Ellen hoch.
2 A sine vier Egge sölled Hörner sii wo en Teil mit ihm bilde. Überzieh de Altar mit Chupfer.
3 Fertigi Eimer zum Besitige vo de Äsche a, usserdem Schuufle, Schale, Gable und Füürbehälter. Alles Zuebehör söll us Chupfer sii.
4 Mach es Gitter für de Altar, es Gflecht us Chupfer. A sine vier Egge sölled vier chupfere Ringe sii.
5 Es söll unterhalb vo de Leiste vom Altar platziert werde und s Gflecht söll es Stück wiit in Altar inezieh.
6 Mach Stange us Akazienholz für de Altar und überzieh si mit Chupfer.
7 Die Stange werded dur d Ringe gsteckt, sodass sie sich a de beide Siite vom Altar befinde, wenn er treit wird.
8 De Altar söll us Bretter agfertiget werde und inne hohl si. Er söll genauso baut werde, wie es dir uf em Berg zeigt worde isch.
9 Die Stiftshütte söll en Vorhof becho. Uf de Südsiite vom Vorhof sölled Vorhäng us feinem Leinenzwirr hänke: 100 Ellei lang uf de einte Siite.
10 Det sölled 20 Süle mit 20 Chupferne Istecksockle stah. D Häcke a de Süüle und ihri Verbindigs-Elemänt sind us Silber.
11 Au d'Vorhäng uf de Nordsiite sölled 100 Ellä lang sii. Dezue ghöred 20 Süle mit 20 Chupferne Istecksockle sowie silberni Hake und Verbindigs¬elemänt für die Süüle.
12 A de Westsiite sölled über die ganz Briite vom Vorhäng vo 50 Elle Längi sii, usserdem 10 Süle und 10 Istecksockel.
13 Uf de Ostsiite – Richtig Sunneufgang – isch de Vorhof 50 Elle breit.
14 Uf de einte Siite söllet 15 Ellene Vorhäng aabracht werde, ghalte vo 3 Süle uf 3 Istecksockle.
15 Uf de andere Siite sölled ebefalls 15 Ellene Vorhäng abrocht werde, ghalte vo 3 Süle uf 3 Istecksockle.
16 Am Iigang zum Vorhof söll e Abschirmig vo 20 Elle Längi si, gwebt us blauem Fade, purpurroter Wölle, karmsinrotem Garn und feinem Leinenzwirn, dezue 4 Säule und 4 Istecksockel.
17 Alli Süüle rings um de Vorhof händ Befestigungselemänt und Häcke us Silber, aber ihri Istecksockel sind us Chupfer.
18 De Vorhof söll 100 Ellä lang und 50 Ellä breit sii. D Vorhäng üssered ume sind 5 Ellene hoch und us feinem Liinänzwirn gwebt. D'Iistecksockel sölled us Chupfer sii.
19 Alli Grät und Gägeständ vo de Stiftshütte, wo für de Dienscht det bruucht werded, sölled us Chupfer bestah, ebeso d Zeltpflöck und alli Pflöck vom Vorhof.
20 Säg de Israelite, dass sie dir reins Öl us zerstossene Olive für d Bevölkerig bringe sölled, damit d Lampe ständig am Brenne ghalte chönd.
21 Aron und sini Söhn werded defüür sorge, dass im Zelt vo de Zämmekunft vor em Vorhang wo bi dem Zügnis isch, vom Abig bis zum Morge d Lampe vor Jehova bränne. Die Bestimmig giltet uf Duur, sie söll in allne Generatione vo Israelite ighalte werde.