2.Korinther 4 vo 13

2.Korinther 4 vo 13

4:1 Drum gemmer nöd uf, da eus de Dienst us Barmherzigkeit übertreit worde isch.

2 Mir hend eus vielmeh vo dem los gseit was hinterhältig isch und für was mer sich muess schäme und gönd nöd mit Lischt vor oder verfälsche s Wort Gottes. Stattdesse empfähled mir eus dadurch, dass mir d'Wohrheit bekannt mached, jedem menschliche Gwüsse vor Gott.

3 Wänn etzt die gueti Botschaft wo mir verkünded verhüllt isch, dänn isch sie under dene verhüllt wo zgrund gönd,

4 under de Ungläubige, wo de Gott vo dem Wältsystem verblendet het, demit s Liecht de herrliche guete Botschaft über de Christus wo s Bild Gottes isch, nöd duresetzt.

5 Denn wenn mer prediged, gahts nöd um eus selber, sondern um Jesus Christus dass er Herr isch und mir wäg em Jesus euri Sklave sind.

6 Denn Gott selbscht het gsait: "Us de Dunkelheit soll Liecht strahle, und er het in unseri Herz gschtrahlt, um sie durch s Gsicht Chrischti mit de herrliche Gotteserkenntnis z erlüchte.

7 Allerdings hemmer dä Schatz i Gfäss us Ton damit dütlich wird, dass d Chraft wo übers Normal use gaht, vo Gott chunnt und nöd vo eus.

8 Mir stönd i jedere Hinsicht unter grossem Druck, doch mir sind nöd bewegigsunfähig. Mir sind ratlos, doch nöd völlig ohni Usweg.

9 Mir werded verfolgt, doch nöd im Stich glah. Mir werded niedergschlage, doch nöd vernichtet.

10 Ständig erträged mir a eusem Körper die zum Tod füehrendi Behandlig, wo Jesus ertreit het, demit au s Lebe vom Jesus a eusem Körper offebart wird.

11 Denn mir, wo mir läbed gsehnd wege Jesus ständig em Tod entgegege, damit au s Läbe Jesus a eusem stärbliche Körper offebart wird.

12 In eus isch also de Tod am Werch, in eu aber s Läbe.

13 Etze hän ma däne Geischt vum Glaube we der, vu däm s in d Schrifte heisst: "Ich ha glaubt, drum ha i gschwätzt. Drum glaubed au mir und drum redemer.

14 Mir wüssed ja, dass de wo Jesus uferweckt het, au eus mit Jesus uferwecke wird und eus zäme mit eu vor ihn bringe wird.

15 Das alles gschiht für eu, damit die unverdienti Güte na meh zuenimmt, will viel meh Mensche zur Verherrlichig Gottes Dank seget.

16 Darum gämmer nöd uf. Sälbscht wänn mir üsserlich verfalled, werded mir doch innerlich vo Tag zu Tag erneuert.

17 Denn obwohl die Schwierigkeite vorübergehend und liecht sind bewürke sie für eus e Herrlichkeit wo a Usmass alles immer meh übertrifft und ewig duuret.

18 Währenddesse halted mir euse Blick nöd uf das grichtet wo mer gseht, sondern uf das wo mer nöd gseht. Denn das wo mer gseht isch zitlich, aber das wo mer nöd gseht isch ewig.