2.Chronika 7 vo 36

2.Chronika 7 vo 36

7:1 Sobald Sạlomo zum Endi bätet gha het, isch Füür vom Himmel cho und het s Brandopfer und die andere Opfer verbrennt, und de Jehovas Herrlichkeit het s Huus erfüllt.

2 Die Prieschter händ s Huus Jehovas nöd chöne beträte, will s Huus Jehovas vo Jehovas Herrlichkeit erfüllt gsi isch.

3 Alli Israelite hend zue gseh wie s'Füür abegange isch und d'Herrlichkeit Jehovas über em Huus gsi isch. Sie händ sich tüüf mit em Gsicht zum Steipflaster verbüügt, uf de Bode gheie und händ danket Jehova, "denn er isch guet, sini loyali Liebi bliebt für immer".

4 Denn händ de König bracht und s ganze Volk vor Jehova Opfer darbrocht.

5 König Sạlomo het 22'000 Rinder und 120'000 Schof opferet. So hend de König und s'ganze Volk s'Huus vom wahre Gott iigweiht.

6 D'Prieschter händ ihri Dienstposte iignoh, und au d'Levị händ sich mit dä Instrument ufgstellt gha, wo d'Lieder für Jehova begleitet worde sind. (König David het die Instrument gmacht zum Jehova demit z'danke, wenn immer er Gott het wölle mit ihne prise – "denn sini loyali Liebi bliebt für immer".) D Priester sind vor de Levị lut die Trumpete bliebe während alli Israelite gstande sind.

7 Dänn hät Sạlomo d'Mitti vom Vorhof vorem Huus Jehovas gheiligt, will er det d'Brandopfer und d'Fettstück vo de Gmeindschaftsopfer hät müese mache. De chupfer Altar won er gmacht het, isch nämli für d Brandopfer, d Getreideopfer und d Fettstück z chlii gsi.

8 Damals fiiret Sạlomo siebe Täg s Fäscht mit allne Israelite, ere sehr grossi Mengi Mensche, wo us em ganze Land – vo Lẹbo-Hạmath bis abe zum Wadi vo Ägypte –n zämegchoo sind.

9 Am achte Tag hends den e fiirlichi Versammlig abghalte, denn sie hend sibe Täg lang d Iweihig vom Altar gfiiret und nachher s siebentägige Fäscht.

10 Am 23. Tag vom 7. Monet het er s Volk schlüsslich wegschickt. Sie sind glücklich und mit Freud im Heim hei gange well Jehova David und Sạlomo und sim Volk Israel so viel Guets gmacht het.

11 So hät Sạlomo dä Bau vom Huus Jehovas und em Palast vom König beändet. Alli siini Plän für s Huus Jehovas und siin eigen Palast hät er er erfolgriich chönne verwirkliche.

12 Jehova isch Sạlomo dänn i de Nacht cho und hät zu ihm gseit: "Ich han dis Gebet ghört und das Huus als Opferstätte für mich usgwählt.

13 Weni de Himmel verschlüsse unds kei Rege git, wenni s Land vo Grashüpfer kahl fresse lah und mim Volk d Pest schicke

14 und mis Volk, wo min Name treit, sich dänn demüetigt und betet, wänns mi suecht und sini schlächte Wäg verlaht, dänn werdi vom Himmel här ghöre. Ich wirde sini Sünde vergäh und s Land heilen.

15 Ich wird jetzt uf die luege wo a dem Ort bätet, und es offnigs Ohr für sie hend.

16 Ich han das Huus usgsuecht und es gheiligt, damit min Name uf Dauer det isch, und ich wird mit mine Auge und mim Herz immer dört si.

17 Und was dich agaht: Wenn du din Weg vor mir gahsch wie din Vater David und all mini Gebot hebsch und dich nach mine Vorschrifte und Urteilschprüch richtisch,

18 den wird ich defür sorge das de Thron wo als König sitzisch bestoh bliibt. Ich han ja mit dim Vater David en Bund gschlosse und zu ihm gseit: 'Es wird immer eine vo dinere Nachkomme über Israel regiere.'

19 Aba wenn ihr äich abwändet un mini Bestimmige un Gebot, de i äich ge ha, nit halte un ihr wäggehn un andere Götter dient un äich vor ne vuborge,

20 den wird ich die Israelite us mim Land wo ich ihne geh han usegrisse. Ich wird das Huus woni zur Ehr vo mim Name gheiligt han, keis Blick meh würdige, und es söll vo allne Völker verachtet und verspötet werde.

21 Das Huus wird es Trümmerhuufe werde. Jede wo dra verbii gaht, wird entsetzt hinstarre und frage: 'Warum hät Jehova däm Land und däm Huus das ahta?'

22 Mer wird den antworte: 'Sie händ Jehova, de Gott vo ihrne Vorfahre, wo sie us Ägypte usegfüehrt hät, verloh und sich a anderi Götter klammeret, sich vor ihne verbüügt und ene dient. Drum het er das ganze Unglück über sie bracht.'"