1.Moses 9 vo 50

1.Moses 9 vo 50

9:1 Gott het de Noah gsegnet und sini Söhn und het zue ihne gseit: "Sig fruchtbar, vermehred eu und bevölkeret d'Erde.

2 Alli Tier wo uf de Erde läbed wo am Himmel flüged und wo sich ufem Erdbode fortbeweged, und alli Fisch im Meer werded sich wiiter vor eu fürchte und vor eu verschrecke. Si sind jetzt in eire Hand.

3 Alli Tier wo am Läbe sind chönd eu als Nahrig diene. So wie ich eu die grüene Pflanze geh han, gib ich eu au.

4 Nur Fleisch mit sim Läbe – sim Bluet – därfed ihr nöd ässe.

5 Usserdem: Ich wirde für eues Bluet – eues Läbe – Recheschaft fordere. Ich wirde vo jedem Läbewese Rächeschaft fordere. Und ich wird jede Mensch für s Lebe vo sim Brüeder zur Verantwortig zieh.

6 Wer s Bluet vo Mensche vergüsst, dem sini Bluet wird dur Mensche vergosse werde, denn Gott het de Mensche i sim Bild gmacht.

7 Und ihr, sind fruchtbar und werded viel. Vermehred eu stark uf de Erde und werded zahlriich."

8 Dänn hät Gott zu Noah und sine Söhn gseit:

9 "Ich schlüss jetzt en Bund mit eu und eure Nachkomme

10 und mit allne Lebewese, wo mit eu us de Arche cho sind – de Vögel, de Huustier und de Wildtier – also mit allne Lebewese uf de Erde.

11 Ja, ich schlüss en Bund mit eu: Nie wieder wird e Fluet alles Lebe uslösche und nie wieder wird e Fluet d Erde vernichte."

12 Wiiter het Gott gseit: "Das isch s Zeiche für de Bund zwüsched mier und eu und allne Läbewese, wo bi eu sind, für alli zuekünftige Generatione:

13 Ich setz min Rägeboge is Wulche. Er söll das Zeiche für de Bund zwüsche mir und de Erde sii.

14 Immer wänn i Wulche über d Erde zieh lah und de Rägeboge drin erschiint,

15 wird ich mich ganz bestimmt an Bund zwüsched mier und eu und jede Art Lebewese erinnere. Nie wieder wird s Wasser zunere Fluet werde, wo alles Läbe uslöscht.

16 Wänn de Rägeboge i de Wulche entstaht wird ich ihn ganz bestimmt gseh und mich a de ewige Bund zwüsched mir und jede Art Lebewese uf de Erde erinnere."

17 Gott het de nomol zu Noah gseit: "Das isch s Zeiche für de Bund, woni mit allem schlüsse, was uf de Erde lebt."

18 Die Söhn Noahs, wo us de Arche cho sind, sind Sem, Ham und Jạphet gsi. Ham isch spöter de Vater vo Kạnaan worde.

19 Das sind die drü Söhn Noahs gsi. Vo ihne stamme alli Mensche ab, wo sich uf de Erde usbreitet händ.

20 Noah het den aagfange, Ackerbau betriibe, und en Wigarte aagleit.

21 Won er eis Tages Wii trunke isch er betrunke worde und het unbedeckt i sim Zelt gläge.

22 Ham, de Vater vom Kạnaan het den d Nacktheit vo sim Vater gseh und het sine beide Brüedere usse gseit.

23 Da hend Sem und Jạphet es Chleidigsstück gno, hends uf ihri Schultere gleit und sind rückwärts ine gangä. Mit abgwandte Gsicht hends ihre Vater zue deckt und sie hend sini Nacktheit ned gseh.

24 Als Noah us sim Wyrusch ufwachet und erfuhrt, was sin jüngschtä Bueb ihm aatah het,

25 hetter gseit:"Kạnaan söll verfluecht si. Er söll de niedrigst Sklave sinere Brüeder werde."

26 Wiiter het er gseit "Jehova, de Gott Sems, söll gfrässe si, und de Kạnaan söll Sems Sklave werde.

27 Gott gib Jạphet weite Ruum und lahn en in den Zelten Sems wohnen. Kạnaan söll au Jạphets Sklave werde."

28 Noah het nach de Sintflut no 350 Jahr glebt.

29 Insgesamt läbt Noah 950 Jahr, dänn isch er gstorbe.